12.01.2026 | 18:00
Չինաստանը դեմ է «այլ երկրների ներքին գործերին միջամտելուն», Գերմանիան և Կանադան դատապարտում են բռնությունները
Որևէ նպատակ չունենք պաշտպանելու ՍԴ նոր դատավորներին, հին դատավորներին․ Ռուստամ Բադասյանը՝ Գևորգ Պետրոսյանին. ՏԵՍԱՆՅՈՒԹ
Քաղաքականություն
02.12.2019 | 16:00
Պետաիրավական հանձնաժողովի նիստի ժամանակ «Բարգավաճ Հայաստան» խմբակցության պատգամավոր Գևորգ Պետրոսյանը, դիմելով ՀՀ արդարադատության նախարար Ռուստամ Բադասյանին, հարցրեց՝ արդյո՞ք այս նախագծով չկա նախկին դատավորներից ազատվելու խնդիր, և ոչ թե նորընտիր երկու դատավորից։
«Դուք հարկատուների հետ զրուցե՞լ եք, նրանք պատրա՞ստ են աշխատանք չկատարող դատավորի կերակրել»,- հարցրեց Պետրոսյանը։
Նախարար Բադասյանն ընդգծեց, որ ինքը գիտի հավաքագրված հարկի արժեքը։
«Շատ լավ գիտեմ հարկատուի վերաբերմունքը նրա վճարած հարկին և դրանց նպատակային օգտագործման ուղղություններին։ Որոշակի առումով մտահոգություն, բնականաբար, առաջացնում է, բայց հանրությանը պետք է տալ հաջորդ հարցը՝ դուք որքա՞ն եք պատրաստ հարկ վճարել և աշխատավարձ վճարել պաշտոնատար անձանց, ում նկատմամբ վստահությունը ձեր իսկ կողմից ցածր է»,- նշեց Բադասյանը։
Նախարարը նկատեց, որ Սահմանադրական դատարանի նոր մոդելն առաջարկվել է 2015 թվականի փոփոխություններով։
«Այսինքն՝ որևէ նպատակ չունենք պաշտպանելու Սահմանադրական դատարանի, այսպես կոչված, նոր դատավորներին, հին դատավորներին։ Մեր նպատակն է ֆիքսել այն իրականությունը, որը 2015 թվականի փոփոխություններով առաջարկվել է հանրությանը»,- նշեց Ռուստամ Բադասյանը։
Հիշեցնենք, որ ՀՀ կառավարությունն առաջարկել է «Հանրային ծառայության մասին և կից օրենքներում փոփոխություններ ու լրացումներ կատարելու մասին» օրենսդրական նախաձեռնությունների փաթեթը, որն էլ հանձնաժողովի այսօրվա օրակարգում է:
Մանրամասները՝ տեսանյութում։
