«Պետք չէ էյֆորիայի մեջ ընկնել, ԱՄՆ-ը չի անցնի «կարմիր գիծը» ու չի ճանաչի Ցեղասպանությունը»․ Արման Նավասարդյան

Լուրեր

29.03.2024 | 14:34
Ապստամբություն է եղել․ Արա Պապյանը հորդորեց ոստիկանության մոտ տեղի ունեցածը ահաբեկչություն չորակել․ ՏԵՍԱՆՅՈՒԹ
29.03.2024 | 14:28
Ծանրամարտի աշխարհի առաջնությունը տեղի կունենա Երևանում
29.03.2024 | 14:19
Հայաստանի հեռուստատեսային և ռադիոհաղորդիչ ցանցի տնօրենն ազատվել է աշխատանքից
29.03.2024 | 14:17
Երիտասարդական մայրաքաղաք Գավառում տրվել է միջոցառումների պաշտոնական մեկնարկը
29.03.2024 | 14:09
Կաթնամթերքի արտադրամասի արտադրական գործունեության կասեցումը վերացվել է
29.03.2024 | 13:58
Բաքուն պարզաբանել է, թե ինչու Արայիկ Հարությունյանի հետ հարցազրույցը չի ցուցադրել
29.03.2024 | 13:57
Հայաստանն ու Հնդկաստանը կընդլայնեն համագործակցությունը կինոարտադրության և տեխնոլոգիական բնագավառում
29.03.2024 | 13:48
ԱԺԲ խորհրդի անդամների ասուլիսը քաղաքական իրավիճակի և հնարավոր զարգացումների վերաբերյալ. ՈՒՂԻՂ
29.03.2024 | 13:48
«Կրոկուս»-ում ահաբեկչությունից տուժածներից թիվը հասել է 382-ի
29.03.2024 | 13:40
Վարսեն Աղաբեկյանը նշանակվել է Պաղեստինի ԱԳ նախարար
29.03.2024 | 13:38
Առցանց անմաքս առևտրի շեմը կենթարկվի փոփոխության. 2024 թվականի ապրիլի 1-ից կսահմանվի 200 եվրո և 31 կգ
29.03.2024 | 13:27
Կենսաթոշակի և նպաստի հետվճարի ծրագրին ևս 11 բանկ է միացել
29.03.2024 | 13:18
ՄԱԿ-ի դատարանն Իսրայելին պարտավորեցրել է լրացուցիչ ուղիներ բացել՝ Գազայի հատված օգնություն հասցնելու համար
29.03.2024 | 13:05
Ուշադրություն է դարձվելու ՀՀ-ի տնտեսական կայունությանը․ Պետեր Ստանոն՝ ՀՀ-ԱՄՆ-ԵՄ հանդիպման մասին
29.03.2024 | 12:58
Պուտինը կհրավիրվի G20-ին միայն ընդհանուր համաձայնության դեպքում․ Մակրոն
Բոլորը

Արտակարգ և լիազոր դեսպան Արման Նավասարդյանը Factor.am-ի հետ զրույցում տեսակետ է հայտնում, որ թուրք-ամերիկյան հարաբերությունների` վերջին շրջանի աննախադեպ սրումը երկար չի տևի:

«Ես չեմ կարծում, որ Միացյալ Նահանգները վերջնական կհեռանա Թուրքիայից: Չնայած` հիմա ԱՄՆ-ը իր խաղաքարտը դնում է բոլորովին այլ երկրների վրա, հենց այդ նպատակով էլ փորձում է ստեղծել քրդական պետություն»,- կարծիք հայտնեց Նավասարդյանը՝ շարունակելով․«Այսինքն՝ իրենց ներկայացուցչին փոխարինում են մեկ ուրիշով և այս բոլորն արվում է նրա համար, որ հնարավորինս կարողանան արգելափակել Իրանի գործողությունները»։

Դիվանագետի խոսքերով՝ այն, որ Ամերիկան և Թուրքիան ունեն բավական լուրջ խնդիրներ, որոնց սրումը սպասելի էր` փաստ է. «Վերջին շրջանում Թուրքիան և Ամերիկան հեռանում են իրարից, չնայած Թուրքիան մնում է ՆԱՏՕ-ի անդամ, բայց դրա կողքին շատ փոփոխություններ կատարվեցին, մասնավորապես` սիրիական կոնֆլիկտի ֆոնի վրա: Եվ պատահական չեն Էրդողանի ճիգերը մոտենալու Պուտինի հետ։ Իր հերթին Ռուսաստանն ամեն ինչ անում է` հնարավորինս սեպ խրելու թուրք-ամերիկյան հարաբերություններում»,- նշեց դեսպանը:

Արման Նավասարդյանը կարծում է, որ Թուրքիայի նախագահ Էրդողանի հիմնական նպատակը C-400 հակաօդային պաշտպանության համակարգերի գնումն էր, ինչը փաստացի չստացվեց․ «Կարծես թե պայմանավորվել էին, և պետք է դա ստացվեր, բայց Պուտինի վերադառնալուց հետո թուրքական կողմը պահանջեց, որ Ռուսաստանը տա այդ զենքի password-ը՝ կոդը, Ռուսաստանն ասաց, որ դա չի տա ու մերժեց համատեղ արտադրության Թուրքիայի առաջարկը»։

Արման Նավասարդյանի կանխատեսմամբ` մոտ ժամանակներս կտեսնենք, թե ինչպես ամերիկյան և թուրքական կողմերը կհրաժարվեն «իրենց բռնած թշնակաման դիրքորոշումից և նորից Ամերիկան Թուրքիայի համար կդառնա այն երկիրը, որը Թուրքիան կուզեր, որ դառնար։ Թուրքիան երբեք դուրս չի գա ՆԱՏՕ-ից»։

Մեր զրուցակցի համոզմամբ՝ ռուս-թուրքական մերձեցումը վտանգավոր չէ Հայաստանի համար․ «Որովհետև Ռուսաստանը թուրքական հարցում առաջին հերթին ապահովում է Հայաստանի անվտանգությունը: Սակայն եթե Թուրքիան խնդիրներ ունի, մենք պետք է առիթից օգտվենք և օգուտ քաղենք դրանից: Օրինակ՝ ԵՏՄ մտնելու ցանկության առթիվ` Թուրքիային առաջարկել հրաժարվել ԼՂ հարցում իր դիրքորոշումից, քանի որ առանց Հայաստանի համաձայնության, Թուրքիան չի կարող մտնել ԵՏՄ»։

Նավասարդյանը իրատեսական չի համարում տեսակետները, որ թուրք-ամերիկյան հարաբերությունների վատացման ֆոնին ԱՄՆ-ը կարող է ընդունել Հայոց ցեղասպանությունը և, նրա խոսքերով, պետք չէ այդ առթիվ էյֆորիայի մեջ ընկնել.  «Միացյալ Նահանգները չի գնա այդ քայլին, որովհետև դա Թուրքիայի համար կյանքի ու մահու հարց է։ Այդ կարմիր գիծը Ամերիկան չի անցնի»։

Մանրամասները դիտեք արտակարգ և լիազոր դեսպան Արման Նավասարդյանի հետ Factor.am-ի հարցազրույցում։

Մարինե Խառատյան