Քաղաքացիների կյանքը վտանգված է, սա խայտառակ իրավիճակ է. Իզաբելլա Աբգարյանը՝ քաղաքապետին. ՏԵՍԱՆՅՈՒԹ

Տրանսպորտը շատ վատ է աշխատում։ Երեկոյան ժամերին անհետացել են որոշ համարներ, որ մարդ կարողանա տեղափոխվի, ցերեկային ժամերին տեսնում ենք կիսադատարկ երթուղայիններ: Երևանի ավագանու նիստում այս մասին ասաց «Իմ քայլը» խմբակցության անդամ Իզաբելլա Աբգարյանը:

«Երթևեկելը շատ դժվար է դարձել, գրեթե անհնար։ Առջևում ձմեռ է, քաղաքացիները կսառչեն կանգառներում, ի՞նչ միջանկյալ լուծում է լինելու։ Իմ երկրորդ հարցը մայթերին է վերաբերվում։ Վարորդները կայանում են երկրորդ, երրորդ գծում, մեքենաները կայանում են մայթերին։ Ինչո՞ւ ճանապարհային ոստիկանները չեն հեռացնում այդ մեքենաները։ Խայտառակ իրավիճակ է, ես իսկապես անհանգստացած եմ բնակիչների անվտանգությամբ։ Այս քաղաքը ունի՞ Ճանապարհային ոստիկանություն, տպավորություն է՝ ոչ մեկին սա չի հետաքրքրում, ինչո՞ւ չեն տուգանվում այդ վարորդները»,- քաղաքապետ Հայկ Մարությանին հարց ուղղեց ավագանու անդամը։

Ի պատասխան՝ Հայկ Մարությանն ասաց, թե Տրանսպորտի վարչությունն ու Ճանապարհային ոստիկանությունը համատեղ միջոցառումներ են իրականացնում:

«Արդյունքները լավ են լինում։ Երկու-երեք շաբաթ էֆեկտ է լինում, որը հետո կորչում է։ Շատ ճիշտ եք, որ այս պահին անբավարար է այդ մասը։ Ես սկսել եմ կոնկրետ գործողություններ անել, հստակ պահանջ եմ դրել, որ գույքագրում ենք բոլոր անցումները, որոնք գտնվում են և ուղղակի հանում ենք։ Անթույլատրելի է մեծ արագության երթևեկության գոտիում անցում ունենալ»,- ասաց քաղաքապետը։

Մանրամասները՝ տեսանյութում:

Ռոբերտ Անանյան