13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Մահակով ու հակագազով ցուցմունք կորզելու տեսանյութի հետքերով Ոստիկանության Ճամբարակի բաժնի պետի լիազորությունները ժամանակավորապես դադարեցվել են. ՀՀ ոստիկանություն
Հասարակություն
23.11.2019 | 15:55
ՀՀ ոստիկանությունը պարազաբանում է տարածել «Սկանդալային Տեսանյութ.Հայրենի ոստիկանները՝ մահակով ու հակագազով ցուցմունք են կորզում» վերտառությամբ հրապարակված տեսանյութի շրջանակներում:
«NewsMedia.am կայքում «Սկանդալային Տեսանյութ.Հայրենի ոստիկանները՝ մահակով ու հակագազով ցուցմունք են կորզում» վերտառությամբ հրապարակված տեսանյութի շրջանակներում ոստիկանության ներքին անվտանգության վարչությունում իրականացվող ծառայողական քննության ընթացքում վարչություն է կանչվել ոստիկանության ծառայող։
Զուգահեռաբար տարվում են աշխատանքներ` տեսանյութում երևացող մյուս անձանց ինքնությունը պարզելու ուղղությամբ։
Ծառայողական քննության շրջանակներում ոստիկանության պետի ժամանակավոր պաշտոնակատարի հրամանով ոստիկանության Ճամբարակի բաժնի պետ Նարեկ Սիմոնյանի լիազորությունները ժամանակավորապես դադարեցվել են»,- ասված է հաղորդագրությունում:
Հիշեցնենք, որ Factor.am-ը ևս անդրադարձել էր վերահիշյալ թեմային՝ հրապարակելով «Խոշտանգման շոկային տեսանյութի հետքերով․ առանց ղեկավարների իմացության արդյո՞ք դա հնարավոր էր» և «Խոշտանգող ոստիկանները եղել են ՀՀ ոստիկանապետի ներկայիս պաշտոնակատարի ենթակայության ներքո՞» վերտառությամբ նյութերը:
