01.02.2026 | 18:27
Սաստիկ բքի և ցածր տեսանելիության պատճառով Վարդենյաց լեռնանցքը փակ է կցորդով տրանսպորտային միջոցների համար
ԵՐԵՎԱՆԻ ԺԱՄԱՆԱԿՈՎ. Սա ազգային խայտառակություն է, խարան, որը դժվար կլինի ջնջել մեր ճակատից. Տիգրան Խզմալյան
Հաղորդաշարեր
15.05.2017 | 19:35
«Երևանը չեն տա ժողովրդին այնպես, ինչպես չեն տալիս Հայաստանը»,- այս կարծիքին է ռեժիսոր Տիգրան Խզմալյանը: Նա Factor TV-ի «Երևանի ժամանակով» զրուցաշարի շրջանակում, անդրադառնալով Երևանի ավագանու ընտրություններին, նկատեց. «Սա ազգային խայտառակություն է, խարան, որը դժվար կլինի ջնջել մեր ճակատից»:
Ռեժիսորի համոզմամբ` եթե քաղաքապետի ընդդիմադիր թեկնածուները` Նիկոլ Փաշինյանն ու Զարուհի Փոստանջյանը միավորվեին, և առաջադրվեր մեկ թեկնածու, հնարավոր կլիներ ստանալ երևանցիների ձայների 1/3-ը: Մեր զրուցակցի կարծիքով` ոչ Փաշինյանը, ոչ Փոստանջյանը չընկալվեցին որպես իրական այլընտրանք:
Անդրադառնալով Փաշինյանի` 15 հազար դրամներին առնչվող առաջարկին, Տ. Խզմալյանը շեշտեց. «Եթե գողերի հետ գողական լեզվով ենք խոսելու, մենք կպարտվենք»: Ինչ վերաբերում է ոստիկանության` Փոստանջյանին բերման ենթարկելու փորձին` ռեժիսորը որակեց դա որպես « կնոջ նկատմամբ ճղճիմ, ադաթական համակարգի ատելության» հետևանք: «Ես քվեարկել եմ Փոստանջյանի օգտին, որովհետև նա կին է, և միայն կանայք կարող են փրկել Հայաստանը, Երևանը»,- ասաց նա:
Զրույցի շարունակությունը՝ տեսանյութում:
Աննա Բաբաջանյան
