14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Ինչպես են թալանել Կոնվերս բանկը․ նոր մանրամասներ (թարմացված)
Հասարակություն
09.10.2017 | 14:08
Այսօր կեսօրին անհայտ քաղաքացին թալանել է Կոնվերս բանկի Սայաթ-Նովա փողոցում գտնվող համանուն մասնաճյուղը։ Կոնվերս բանկը թալանող անձն այնքան վստահ է եղել, որ չի բռնվի, որ անգամ դիմակ չի կրել։ Չի բացառվում, որ նրան հայտնի են եղել այս բանկի անվտանգության համակարգի խոցելի կողմերը։
Հիշեցնենք, որ սա առաջին հարձակումը չէ Կոնվերս բանկի պատմության մեջ։ 2011 թվականին ևս կողոպուտի փորձ է կատարվել։ Մարտի 29-ին առավոտյան Գայի պողոտայում գտնվող Նոր Նորք մասնաճյուղ մուտք էր գործել զենքով մի տղամարդ և օդում կրակոցներ արձակել։ Այն ժամանակ բանկի անվտանգությունն ապահովում էին ոստիկանության աշխատակիցները։ Նրանց հաջողվել էր վնասազերծել հանցագործին։ Հետագայում Կոնվերս բանկի ղեկավարությունը խզեց ՀՀ ոստիկանության հետ պայմանագիրը` նախընտրելով «Պանտերա» պահնորդական կազմակերպության` ավելի էժան ծառայությունները։
«Պանտերա» անվտանգության ծառայությունից հրաժարվեցին պատասխանել մեր հարցերին, սակայն չհերքեցին մեր տեղեկությունը, որ հենց իրենք են ապահովում Կոնվերս բանկի անվտանգությունը:
Ի դեպ, մեր տեղեկություններով, բանկի աշխատակիցները միանգամից չեն ահազանգել հարձակման մասին։ Նրանք դիմել են ոստիկանություն դեպքից մոտ 40 րոպե անց։
Հիշեցնենք, որ այսօր առավոտյան, մոտ 11:30 թալանել են Կոնվերս բանկի Սայաթ-Նովա փողոցում գտնվող համանուն մասնաճյուղը։ Զինված անձը մտել է բանկի կառավարչի սենյակ, զենքի սպառնալիքով գումար է պահանջել, նրան պահանջված գումարը տվել են, վերցրել է և գնացել։
ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ «Կոնվերս բանկ» ՓԲ ընկերության մասնաճյուղի կառավարչի նկատմամբ ավազակային հարձակում կատարելու դեպքի առթիվ:
Մանրամասները՝ տեսանյութում:
Սյուզան Սիմոնյան
