12.08.2026 | 23:14
6 խաղափուլից հետո միանձնյա առաջատարն է գրոսմայստեր Էմին Օհանյանը. Եվրոպայի Մ20 տարեկանների առաջնություն
Դավիթաշենի նախկին թաղապետ Ռուբեն Գևորգյանի՝ Ծաղիկ Ռուբոյի ընտանիքի կողմից «Դեյզի» այգին սեփականաշնորհելու փաստի վերաբերյալ ԱԱԾ-ում քրգործ է հարուցվել
Հասարակություն
07.11.2019 | 10:06
Դավիթաշենի նախկին թաղապետ Ռուբեն Գևորգյանի (Ծաղիկ Ռուբո) ընտանիքի կողմից «Դեյզի» այգին սեփականաշնորհելու փաստի վերաբերյալ ԱԱԾ-ում քրեական գործ է հարուցվել։
Գլխավոր դատախազությունից Factor.am-ին հայտնում են հետևյալը. «Ի թիվս այլ տարածքների, նաև Տիգրան Պետրոսյան 44/2 հասցեում գտնվող հողատարածքի օտարման գործընթացի հետ կապված Երևանի քաղաքապետարանի պաշտոնատար անձանց կողմից առերևույթ շահադիտական կամ անձնական այլ շահագրգռություններից ելնելով պաշտոնեական փաստաթղթերում ակնհայտ կեղծ տեղեկություններ մտցնելու և պաշտոնեական լիազորությունները չարաշահելու դեպքի առթիվ ՀՀ ԱԱԾ քննչական դեպարտամենտում ՀՀ քրեական օրենսգրքի 308-րդ հոդվածի 2-րդ մասի և 314-րդ հոդվածի հատկանիշներով հարուցվել է քրեական գործ: Քննչական ենթակայության կարգով քրեական գործն ուղարկվել է Երևան քաղաքի քննչական վարչություն, ընդունվել վարույթ է և իրականացվում է նախաքննություն», – Factor.am-ին փոխանցում են Գլխավոր դատախազությունից։
Հիշեցնենք, որ օրեր առաջ Factor.am-ը ներկայացրել էր այգու սեփականաշնորհման պատմությունը։
