29.04.2026 | 22:45
ՀՀ տարածքում ավտոճանապարհները հիմնականում անցանելի են
Վահրամ Բաղդասարյանն ու Շարմազանովը Փաշինյանի հետ հանդիպելուց հետո Գեղամյանին հրավիրել են իրենց մոտ
05.10.2017 | 15:30
Ազգային ժողովի փոխնախագահ Էդուարդ Շարմազանովն ու ՀՀԿ խմբակցության ղեկավար Վահրամ Բաղդասարյանն այս պահին գտնվում են «Ելք» խմբակցության աշխատասենյակում, ենթադրում ենք՝ այսօր խորհրդարանում գրանցված միջադեպը քննարկելու համար։
Մոտ մեկ ժամ ընդդիմադիր խմբակցության ղեկավար Նիկոլ Փաշինյանի հետ զրուցելուց հետո ՀՀԿ-ականները դուրս եկան «Ելք» խմբակցությունից։ Factor.am-ը հետաքրքրվեց Էդուարդ Շարմազանովից՝ միջադեպի հետ կապված ինչ էին քննարկում, Շարմազանովն ասաց՝ իրենք այլ հարցով էին այնտեղ, օրենսդրական նախաձեռնություն էին քննարկում։
Շարմազանովի պատասխանը հարուցեց Վահրամ Բաղդասարյանի ժպիտը։ Փաշինյանը ևս հրաժարվեց պատասխանել մեր հարցերին։ Այժմ ՀՀԿ խմբակցության աշխատասենյակում քննարկումը շարունակվում է արդեն միջադեպի մասնակից Արտաշես Գեղամյանի հետ։
Հիշեցնենք՝ առավոտյան խորհրդարանի միջանցքներից մեկում միջադեպ է գրանցվել ԱԺ «Ելք» խմբակցության ղեկավար Նիկոլ Փաշինյանի և ՀՀԿ խմբակցության պատգամավոր Արտաշես Գեղամյանի միջև: Փաշինյանի պնդմամբ՝ ՀՀԿ-ական պատգամավոր Արտաշես Գեղամյանը խորհրդարանի միջանցքներից մեկում բռունցքներով հարձակվել է իր վրա։ Գեղամյանը, սակայն, հերքում է Փաշինյանի պնդումները:
Տեսանյութն ու մանրամասները՝ քիչ անց։
Շողիկ Գալստյան
