08.11.2024 | 23:14
Վթար Աշտարակի խճուղում․ կա տուժած
Փենսը հայտարարել է, որ ԱՄՆ զորքերը մարտական պատրաստվածության են բերվել
Քաղաքականություն
18.09.2019 | 12:44
ԱՄՆ փոխնախագահ Մայք Փենսը հայտարարել է, որ ամերիկացի զինվորականները պատրաստ են պատասխան տալ սաուդյան նավթային օբյեկտների վրա հարձակումներին: ՌԻԱ Նովոստիի փոխանցմամբ՝ այս մասին նա հայտարարել է Վաշինգտոնում Feritage Foundation փորձագիտական կենտրոնում ելույթի ժամանակ:
«Այս հանգստյան օրերին Սաուդյան Արաբիայի մի շարք նավթային օբյեկտների վրա հարփակումից հետո, վստահեցնում եմ, մենք պատրաստ ենք»,- ասել է Փենսը՝ նշելով, որ ԱՄՆ-ն պատրաստ է ռազմական միջոցներով արձագանքելու:
Նա ընդգծել է, որ ԱՄՆ-ն կպաշտպանի իրեն և դաշնակիցներին Պարսից ծոցում, իսկ ամերիկացիների դաշնակիցների և նավթի միջազգային մատակարարումների վրա հարձակումներն անհաջողության կմատնվեն:
Փենսի խոսքով՝ Վաշինգտոնում «ուսումնասիրում են բոլոր տվյալները»: «Մենք խորհրդակցում ենք դաշնակիցների հետ, և նախագահը կորոշի՝ ի՞նչ գործողություններ ձեռնարկել առաջիկա օրերին»,- ասել է նա:
ԱՄՆ փոխնախագահն ընդգծել է, որ եթե Իրանն այդ հարձակումն իրականացրել է՝ նախագահ Դոնալդ Թրամփի վրա ճնշում գործադրելու համար, անհաջողության կմատնվի. «Ամերիկան պատրաստ է պաշտպանել իր շահերը»:
Մայք Փենսը վստահեցրել է, որ Թրամփի վարչակազմի օրոք ԱՄՆ-ն «կպահպանի առավելությունը էներգետիկայի ոլորտում, կշարունակի էներգետիկ անկախություն ձեռք բերելու միտումը և անհրաժեշտ բոլոր քայլերը կձեռնարի՝ պաշտպանելու ԱՄՆ-ն, ամերիկյան զինվորականներին և Պարսից ծովի դաշնակիցներին»:
