14.01.2026 | 15:57
Իրանի գլխավոր դատավորը չի բացառել արագացված դատավարությունները և ձերբակալված ցուցարարների զանգվածային մահապատիժները
Հարավային Օսիան 3 օրով ամբողջությամբ կփակի Վրաստանի հետ սահմանը
Քաղաքականություն
18.09.2019 | 12:10
Հարավային Օսիան 3 օրով կփակի Վրաստանի հետ սահմանին գործով երեք հսկիչ անցակետերից վերջինը՝ կապված Հանրապետության օրվա տոնակատարությունների հետ: ՏԱՍՍ-ի փոխանցմամբ՝ այս մասին հայտնել են երկրի Պետանվտանգության կոմիտեի մամուլի ծառայությունից:
Ավելի վաղ Հարավային Օսիան անորոշ ժամանակով փակել էր Վրաստանի հետ սահմանային երկու հսկիչ անցակետերը՝ «Ռազդահանը» և «Սինագուրը»: Սա պայմանավորված էր Հարավային Օսիա-Վրաստան սահմանին՝ Ուստա գյուղի մերձակայքում լարվածությամբ, որտեղ վրաց ոստիկաններն անցակետ էին տեղակայել:
«Հարավային Օսիայի Հանրապետության Պետանվտանգության կոմիտեն տեղեկացնում է, որ Հարավային Օսիայի Հանրապետության օրվան նվիրված հանդիսավոր միջոցառումների անցկացման հետ կապված՝ սեպտեմբերի 18-ի ժամը 20:00-ից մինչև սեպտեմբերի 22-ի ժամը 06:00-ն ծրագրվում է ժամանակավոր դադարեցնել Վրաստանի հետ պետական սահմանի «Պերեու» հսկիչ անցակետը»,- հաղորել են ՊԱԿ-ից:
Նշենք, որ Հարավային Օսիան սեպտեմբերի 20-ին տոնում է Հանրապետության օրը: Ցխինվալում այդ օրը տոնական միջոցառումներ են նախատեսված՝ զինվորական շքերթ, ժողովրդային միջոցառումներ, տոնական համերգ:
