08.11.2024 | 23:14
Վթար Աշտարակի խճուղում․ կա տուժած
Թուրքիան դատապարտել է Հունաստանում թուրքական դրոշի հանդեպ ցուցաբերված պահվածքը
Քաղաքականություն
17.09.2019 | 21:46
Թուրքիայի արտգործնախարարությունը խստորեն դատապարտել է նախօրեին Հունաստանում թուրքական «Մուրաթփաշա» և հունական «PAOK» ձեռքի գնդակի (հանդբոլ) թիմերի խաղի ժամանակ տեղի ունեցած միջադեպը: Այս մասին գրում է ermenihaber.am-ը։
Երբ «Մուրաթփաշա» թիմի երկրպագունները մտել են խաղաղադաշտ, նկատել են, որ միայն Հունաստանի դրոշն է կախված, իսկ թուրքականը բացակայում է: Նրանք դիմել են խաղի կազմակերպիչներին, որպեսզի կախեն Թուրքիայի դրոշը, վերջիններս, սակայն, մերժել են:
Թուրքիայի ԱԳՆ-ի հայտարարության մեջ մասնավորապես ասվում է.
«2019թ. սեպտեմբերի 13-ին Սալոնիկում «Մուրաթփաշա»-ի և «PAOK»-ի միջև կայացած ձեռքի գնդակի խաղի ժամանակ տեղի ունեցած դեպքը ևս մեկ անգամ ի ցույց դրեց Հունաստանում առկա հակաթուրքական, ծայրահեղ ազգայնամոլական շրջանակների տգեղ դեմքը:»
Թուրքիան անընդունելի է համարում, որ Հունաստանն արգելել է բարձրացնել թուրքական դրոշը, թեև նշվում է, որ երկու թիմերի միջև նախապես պայմանավորվածություն է եղել երկու երկրի դրոշները բարձրացնել:
