28.06.2026 | 20:50
Ցավով տեղեկացա բժիշկ Գագիկ Ստամբուլցյանի մահվան մասին. Ավանեսյան
Տարածաշրջանում պատերազմական իրադրության հավանականությունը մեծ է. Հարավային Կորեա
Քաղաքականություն
27.09.2017 | 11:06
Կորեական թերակղզում, 1950-1953 թվականների Կորեական պատերազմի ավարտից ի վեր, լարվածությունը հասել է ամենաբարձր մակարդակի: Այս մասին Սեուլի ռադիոկայաններից մեկին տված հարցազրույցում հայտարարել է իշխող «Տոբուրո» դեմոկրատական կուսակցության ներկայացուցիչ Ու Սան Խոն, հայտնում է tass.ru-ն:
«Լարվածությունը տարածաշրջանում հասել է ամենաբարձր կետին, հակամարտության հավանականությունն այժմ այնքան բարձր է, որքան երբևէ չի եղել»,- նշել է նա:
Քաղաքական գործիչն ընդգծել է, որ անհրաժեշտ է կանխել ԱՄՆ-ի՝ ԿԺԴՀ-ի նկատմամբ ուժի կիրառումը: «Եթե Վաշինգտոնը կանխարգելիչ հարված հասցնի Հյուսիսի ուղղությամբ, ապա դա Հյուսիսային և Հարավային Կորեաների միջև լայնամասշտաբ պատերազմի կհանգեցնի: Ընդ որում, հակամարտությունը կարող է չհասնել ԱՄՆ մայրցամաք, սակայն ավերածություն կբերի Կորեական թերակղզում»,- ընդգծել է Ու Սան Խոն:
Այս առումով պատգամավորը կոչ է արել Կորեայի Հանրապետության քաղաքական բոլոր առաջնորդներին հանդես գալ միասնական ճակատով և Վաշինգտոնին հորդորել վերանայել ԿԺԴՀ-ի հետ ատոմային խնդրի ռազմական լուծումը և չսրել տարածաշրջանում լարվածությունը:
