18.10.2026 | 15:28
Հայաստանում ձմեռային զորակոչը կմեկնարկի նոյեմբերի 16-ին․ հայտնի են զորակոչի և զորացրման ժամկետները
Թալիբների հետ տապալված բանակցությունները կարող են վերսկսվել. VOA
Քաղաքականություն
13.09.2019 | 11:54
Սեպտեմբերյան ահաբեկչական հարձակումների տարելիցի օրն ԱՄՆ-ի նախագահ Դոնալդ Թրամփը խստորեն դատապարտեց Թալիբանին Քաբուլում իր երկրի դեսպանատան մոտ անցյալ շաբաթ իրականացրած մահաբեր հարձակման համար։ «Անցած չորս օրերի ընթացքում մենք մեր թշնամուն շատ ավելի ուժգին հարվածներ ենք հասցրել, քան որեւէ ժամանակ նախկինում։ Եվ այդպես էլ շարունակելու ենք»,- ասել է Թրամփը ու նույնիսկ սպառնացել ԱՄՆ-ի միջուկային կարողությամբ. գրում է amerikayidzayn.com-ը:
Հիշեցնենք, որ Թալիբանի կողմից իրականացված ռումբի պայթյունի արդյունքում զոհվել էր նաեւ ամերիկացի մի զինվորական, որից հետո Թրամփը չեղյալ էր հայտարարել Աֆղանստանի նախագահի ու Թալիբանի ղեկավարների հետ նախատեսված հանդիպումը։
Չկայացած հանդիպումն արդեն իսկ արժանանում է օրենսդիրների քննադատությանը։
Սակայն չնայած ԱՄՆ-Աֆղանստան բանակցությունները մեռած համարելու մասին Թրամփի հայտարարությանը, մեծաթիվ փորձագետներ են կարծում, որ բանակցությունները կվերսկսվեն, քանի որ ինչպես նախագահը, այնպես էլ ամերիկացիների մեծամասնությունն ուզում են, որ ի վերջո ավարտվի 18 տարի առաջ սկսված, ԱՄՆ-ի պատմության ամենաերկարատեւ այս պատերազմը։
