Հասարակություն
26.09.2017 | 14:48
Առանձնապես խոշոր չափերով կաշառք տալու մեղադրանքով «NARSAN» ՍՊԸ-ի փոխտնօրեն Ռոբերտ Հարությունյանը կալանավորվել է:
«Փաստինֆո»-ի թղթակիցը ՀՔԾ մամլո խոսնակ Մարինա Օհանջանյանից տեղեկացավ, որ Ռոբերտ Հարությունյանին մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով և նրա նկատմամբ որպես խափանման միջոց է ընտրվել կալանավորումը:
Ավելի վաղ տեղեկացրել էինք, որ միևնույն քրեական գործի շրջանակներում կալանավորվել է նաև քննիչ, վերջինիս մեղադրանք է առաջադրվել ՀՀ քրեական օրենսգրքի 311-րդ հոդվածով՝ առանձնապես խոշոր չափերով կաշառք ստանալը:
Հիշեցնենք, որ սեպտեմբերի 9-ին Ռոբերտ Հարությունյանը և քննիչը ձերբակալվել էին, սակայն ձերբակալման որոշումը բողոքարկվել էր և նրանք ազատ էին արձակվել:
