27.09.2026 | 16:24
Ադրբեջանում երկրաշարժ է գրանցվել
Ճապոնիայի կայսրը հաստատել է Աբեի ներկայացրած կառավարության նոր կազմը
Քաղաքականություն
11.09.2019 | 13:43
Ճապոնիայի կայսր Նարուհիտոն պաշտոնապես հաստատել է երկրի նոր կառավարության կազմը: Հանդիսավոր արարողությունը տեղի է ունեցել Տոկիոյում՝ կայսերական պալատում, գրում է ՏԱՍՍ-ը:
Ճապոնիայի Սահմանադրության համաձայն՝ կայսրը նախարարներին հաստատում է վարչապետի ներկայացմամբ:
Վարչապետ Սինձո Աբեն չորեքշաբթի 2012 թվականից ի վեր ամենամասշտաբային փոփոխություններն է կատարել կառավարությունում: Նա, ընդհանուր առմամբ, 13 գերատեսչությունների ղեկավարների է փոխել՝ ներառյալ ԱԳՆ-ն, պաշտպանության, արդարադատության, էկոնոմիկայի, առևտրի և արդյունաբերության նախարարությունները:
Պաշտոններին մնացել են միայն կառավարության գլխավոր քարտուղար Յոսիհիդե Սուգան և ֆինանսների նախարար Տարո Ասոն, որոնք 2012 թվականի դեկտեմբերից՝ Աբեի՝ վարչապետի պաշտոնը ստանձնելուց ի վեր մշտապես եղել են նրա կառավարության կազմում:
Չնայած մեծամասշտաբ փոփոխություններին՝ Սինձո Աբեն նշել է, որ ձգտում է պահպանել կայունությունը կառավարության ներսում և պատրաստ լինել նոր մարտահրավերներին:
Ավելի վաղ հայտնի էր դարձել, որ Ճապոնիայի կառավարությունն ամբողջ կազմով հրաժարական է ներկայացրել:
