05.08.2026 | 17:43
Ալիևի օգնականը դրական է գնահատել «Իրական Հայաստանի» հայեցակարգը
ԱՄՆ-ը ազատ առևտուր կսկսի Մեծ Բրիտանիայի հետ, երբ վերջինս դուրս գա Եվրամիությունից. Փենս
Քաղաքականություն
07.09.2019 | 13:17
ԱՄՆ-ի փոխնախագահ Մայք Փենսի այցը Մեծ Բրիտանիա տեղի է ունենում այն ժամանակահատվածում, երբ այս երկրի նոր վարչապետը կանգնած է նույնիսկ իր իսկ կուսակցությունը ներկայացնող խորհրդարանականների ճնշման տակ, որոնք համաձայն չեն Մեծ Բրիտանիան Եվրոպական միությունից առանց համաձայնության դուրս բերելու իր դիրքորոշման հետ. գրում է VOA-ն:
Առանց գործարքի Միությունից դուրս գալու դեպքում հարկավոր է լինելու վերականգնել Միության անդամ հանդիսացող Իռլանդիայի Հանրապետության ու Մեծ Բրիտանիայի կազմի մեջ մտնող Հյուսիսային Իռլանդիայի միջեւ սահմանը: Վարչապետ Բորիս Ջոնսոնի քննադատներն ասում են, թե այդ սահմանը կարող է մեծ խոչընդոտ դառնալ բրիտանացի գործարարների համար:
ԱՄՆ-ի փոխնախագահ Մայք Փենսը Լոնդոնում սակայն կրկնում է Ջոնսոնին իր երկրի վարչակազմի աջակցությունը: Նրա խոսքերով Վաշինգտոնը եւս հավատացած է, որ Մեծ Բրիտանիան կանգնած է «Նոր ոսկե դարի» շեմին:
«Մի նոր դարաշրջան, երբ մեր երկու երկրները կկանգնեն կողք կողքի, ուս ուսի եւ ցույց կտանք աշխարհին, թե ինչպես ազատ ու արդար առեւտուրը կարող են նպաստել ամբողջ աշխարհում բարգավաճմանը եւ խաղաղությանը»,- ասել է Փենսը:
