19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Ատոմային ռումբ չի պայթել․ Մելիք Մանուկյանը՝ «Սիփան» գործարանի պայթյունի մասին
25.09.2017 | 17:40
«Ծառուկյան» խմբակցության պատգամավոր Մելիք Մանուկյանը, նույն ինքը Շշերի Մելոն, վրդովվում է, որ ընտանիքին պատկանող «Սիփան» ոչ ոգելից խմիչքների արտադրությամբ զբաղվող գործարանում տեղի ունեցած պայթյունի համար իրեն են զանգահարում։
«Ինչի՞ եք իմ հետ կապում, զանգահարեք գործարան, այնտեղից ձեզ կպատասխանեն»,- Factor.am-ի հետ զրույցում ասաց Մանուկյանը։
Հիշեցնենք, որ ըստ ԱԻՆ հաղորդագրության՝ Կոտայքի մարզի Աբովյան քաղաքի Սարալանջ թաղամասում գտնվող «Սիփան» ոչ ոգելից ըմպելիքների գործարանում տեղի է ունեցել պայթյուն, ինչի հետևանքով կան տուժածներ։
«Որտեղ որ արտադրություն է կազմակերպվում, շատ աշխատողներ կան, հնարավոր են տարբեր տեսակի վթարներ։ Ատոմային ռումբ չի պայթել, ժողովրդական խոսքով ասած՝ լուն սարքում են դավա»,- ասաց ԱԺ պատգամավորը՝ հավելելով, որ գեներատորի փոքր բացթողում է եղել կաթսայում։
Մելիք Մանուկյանը հրաժարվեց տուժածների և գործարանի վնասների մասին խոսել՝ խորհուրդ տալով զանգահարել գործարան, այնտեղից, սակայն, հրաժարվեցին որևէ մեկնաբանությամբ հանդես գալ։
Սեդա Ղուկասյան
