28.11.2024 | 19:39
Ռոբերտ Քոչարյանի նոր մեղադրանքով վերագրվող արարքի վաղեմության ժամկետն անցած է
Էրդողանի խոսնակն ու Թրամփի խորհրդականը հեռախոսազրույց են ունեցել
Քաղաքականություն
05.09.2019 | 11:16
Թուրքիայի նախագահականի խոսնակ Իբրահիմ Քալընը հեռախոսազրույց է ունեցել ԱՄՆ-ի նախագահի ազգային անվտանգության հարցերով խորհրդական Ջոն Բոլթոնի հետ։ Կողմերը քննարկել են Սիրիայում տեղի ունեցող զարգացումները, անվտանգության գոտու ստեղծման հարցը, ահաբեկչության դեմ պայքարի հիմնախնդիրը, երկկողմ առևտրաշրջանառության հարցերը. գրում է ermenihaber-ը:
Քննարկվել են նաև ավելի վաղ նախագահներ Էրդողանի և Թրամփի միջև կայացած հեռախոսազրույցի օրակարգային թեմաների մանրամասները։
Անդրադարձ է կատարվել ՄԱԿ-ի գլխավոր ասամբլեայի շրջանակներում սեպտեմբերի 22-25-ին կայանալիք Էրդողանի ամերիկյան այցին և այդ այցի շրջանակներում կազմակերպվելիք բարձրաստիճան հանդիպումներին։ Քալընը շեշտել է, որ Թուրքիան արդեն ավարտել է թուրք-ամերիկյան համատեղ ծրագիրը կյանքի կոչելու համար անհրաժեշտ նախապատրաստական աշխատանքները։
Հեռախոսազրույցի ընթացքում կողմերն անդրադարձել են նաև առաջիկա օրերին ԱՄՆ առևտրի նախարար Վիլբուր Ռոսի՝ Թուրքիա կատարելիք այցին և կարևորել երկկողմ առևտրաշրջանառության ծավալները 100 մլրդ դոլարի հասցնելու նպատակի իրագործումը։
