27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Բրիտանացի պատգամավորները կփորձեն արգելել «կոշտ» Brexit-ը
Քաղաքականություն
04.09.2019 | 17:57
Բրիտանացի պատգամավորները կողմ են քվեարկել առաջարկին՝ չորեքշաբթի օրը քննարկելու մի օրինագիծ, որով կառավարությանն արգելվելու է Brexit անցկացնել՝ առանց ԵՄ-ի հետ նախնական համաձայնության. գրում է Interfax-ը։
Նշվում է, որ առաջարկին կողմ է քվեարկել 328 պատգամավոր, դեմ՝ 301։ Օրինագծով նաև առաջարկվում է Brexit-ը հետաձգել մինչև 2020 թվականի հունվարի 31-ը։
Մեծ Բրիտանիայի վարչապետ Բորիս Ջոնսոնի համար սա նշանակալի պարտություն է։ Նա մտադիր էր Brexit-ը մինչև այս տարվա հոկտեմբերի 31-ն իրականացնել՝ անկախ նրանից, թե արդյոք մինչ այդ Եվրամիության հետ Brexit-ի պայմանների շուրջ համաձայնության կգա՞ն, թե՝ ոչ:
Նելլի Մելքոնյան
