14.12.2024 | 19:57
Ինչ իրավիճակ է ճանապարհներին 19։35-ի դրությամբ
Ուկրաինայում պատգամավորներն այլևս անձեռնմխելիություն չեն ունենա. Ռադան հաստատել է փոփոխությունը
Քաղաքականություն
03.09.2019 | 15:18
Ուկրաինայի Գերագույն ռադան փոփոխություններ է կատարել երկրի Սահմանադրությունում՝ պատգամավորներին զրկելով անձեռնմխելիությունից: ՏԱՍՍ-ի փոխանցմամբ՝ համապատասխան որոշմանը կողմ է քվեարկել Ռադայի 373 պատգամավոր՝ անհրաժեշտ նվազագույն 300-ի պարագայում:
Քննարկումների ժամանակ օրինագծի ընդունմանը դեմ է արտահայտվել միայն «Ընդդիմադիր հարթակ՝ հանուն կյանքի» խմբակցությունը, նշելով, որ փաստաթուղթն ընդունելիս կանոնակարգի խախտում է եղել: Խմբակցությունն ամբողջ կազմով չի մասնակցել քվեարկությանը:
2018 թվականի հունիսին Ուկրաինայի Սահմանադրական դատարանը սահմանադրական էր ճանաչել ուկրաինացի խորհրդարանականներին անձեռնմխելիությունից զրկելու՝ նախագահի օրինագիծը:
Գործընթացը ենթադրում է, որ Գերագույն ռադայի խոսնակի և Ուկրաինայի նախագահի կողմից ստորագրվելուց հետո օրենքն ուժի մեջ կմտնի 2020 թվականի հունվարի 1-ից:
