06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Շոշ գյուղում նոր նախակրթարան է բացվել «Հայաստան» համահայկական հիմնադրամի միջոցներով
Հասարակություն
03.09.2019 | 13:44
Արցախի Հանրապետության պետական նախարարի գրասենյակից տեղեկացնում են, որ պետնախարար Գրիգորի Մարտիրոսյանը սեպտեմբերի 3-ին այցելել է Ասկերանի շրջանի Շոշ գյուղ՝ մասնակցելու «Հայաստան» համահայկական հիմնադրամի միջոցներով կառուցված մանկապարտեզի բացման հանդիսավոր արարողությանը:
«50 երեխայի համար նախատեսված նախակրթարանն իր հարկի տակ ընդունելու է 30 երեխայի Շոշ համայնքից: Ըստ նախնական պայմանավորվածության՝ այս մանկապարտեզը կհաճախեն նաև մոտակա Մխիթարաշեն և Սզնեք գյուղերի երեխաները:
Իր խոսքում Գրիգորի Մարտիրոսյանը շնորհակալություն է հայտնել համահայկական կառույցին՝ ի դեմս բարի գործը հանձն առած արգենտինահայ Դևեճիէան, Էքզերճիէան, Շիմշիրօղլու ընտանիքներին՝ կարևորելով նախակրթարանի դերը երեխաների դաստիարակության ու համայնքի զարգացման տեսանկյունից:
Պետական նախարարը հիմնադրամի գործադիր մարմնի ներկայացուցիչների և քաղաքաշինության նախարարի ուղեկցությամբ ծանոթացել է ստեղծված պայմաններին: Մանկապարտեզը «Հայաստան» համահայկական հիմնադրամի երրորդ ծրագիրն է համայնքում, որը հաջորդել է դպրոցի ու բնակարանային շինարարությանը»,- ասված է հաղորդագրությունում:
