10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Լրագրողի մասնագիտական գործունեությանը խոչընդոտելը քրեորեն պատժելի է․ ՄԻՊ-ը՝ «ՀԺ»-ի լրագրողի դեպքի առնչությամբ
Հասարակություն
12.05.2017 | 14:57
Ըստ հրապարակված տեղեկությունների՝ Արարատյան զանգվածի Կուրղինյան փողոցում գտնվող քաղաքապետի թեկնածու Տարոն Մարգարյանի նախընտրական շտաբում ընտրողներին ընտրակաշառք և նշումով քվեաթերթիկներ են բաժանվել, և տեղում տեսանկարահանում անելիս՝ խոչընդոտվել է իր մասնագիտական օրինական գործունեությունը. խլել են հեռախոսը, ջնջել դրա պարունակությունը․ տեղեկացնում է ՄԻՊ աշխատակազմը։
Լրագրողի մասնագիտական պարտականությունների կատարմանը խոչընդոտելը կամ լրագրողի նկատմամբ բռնություն գործադրելն անթույլատրելի է: Լրագրողի մասնագիտական օրինական գործունեությանը խոչընդոտելը քրեորեն պատժելի արարք է՝ անկախ նրանից՝ այդ աշխատանքը խոչընոտողը պաշտոնատար անձ է, թե՝ ոչ:
Նույն նախընտրական շտաբում ընտրակաշառք բաժանելու և իր վստահված անձին մարմնական վնասվածք հասցնելու, հեռախոսը կոտրելու վերաբերյալ հրապարակային տեղեկություններ է տարածել նաև «Ելք» դաշինքի քաղաքապետի թեկնածու Նիկոլ Փաշինյանը:
Նշված տեղեկությունների հիման վրա՝ ՀՀ Մարդու իրավունքների պաշտպանի աշխատակազմում սկսվել է սեփական նախաձեռնությամբ հարցի քննարկման ընթացակարգ: Այդ տեղեկություններն ուղարկվել են ՀՀ գլխավոր դատախազություն՝ քրեական վարույթ նախաձեռնելու հարցը քննարկելու և լուծելու նպատակով»:
Նշենք, որ դեպքից հետո քաղաքապետի թեկնածու Նիկոլ Փաշինյանը և «Ելք»-ի անդամներն այցելել են Տարոն Մարգարյանի տվյալ շտաբ, հրավիրել են ոստիկանների: Ավելի ուշ Նիկոլ Փաշինյանը Facebook-ի իր էջում տեղադրել է լրագրողի նկարած տեսանյութը՝ նլելով. «ՀԺ-ի լրագրողի հեռախոսը խլածները տեսանյութը մեկը չեն նկատել ու չեն ջնջել: Ահա այդ տեսանյութը: Փող և քվեաթերթիկներ՝ տիկնայք և պարոնայք:
