14.09.2026 | 22:01
Հայաստանի մի շարք հասցեներում էլեկտրաէներգիայի անջատումներ կլինեն
1 տարում գրավի 906 միջնորդություն․ դրանցից քանի՞սն է բավարարվել և որքա՞ն գումար է հավաքագրվել
02.09.2019 | 16:22
Պետական եկամուտների կոմիտեի նախկին նախագահ, Ֆինանսների նախկին նախարար Գագիկ Խաչատրյանի պաշտպանները օգոստոսի վերջին օրերին կայացած նիստերի ընթացքում Խաչատրյանին գրավի դիմաց ազատ արձակելու միջնորդություն էին ներկայացրել դատարան, որը, սակայն, մերժվել էր և որպես խափանման միջոց էր ընտրվել կալանքը։
Նա մեղադրվում է պաշտոնեական դիրքի չարաշահման և առանձնապես խոշոր չափի վատնում կատարելու համար։
Factor.am-ը փորձեց պարզել, թե վերջին մեկ տարում որքան գրավի միջնորդություն է ստացել Առաջին ատյանի դատարանը և որքան գումար է հավաքագրվել դրա արդյունքում։ Ըստ դատական դեպարտամենտից դրամադրված տվյալների՝ 2018 թվականի ընթացքում ՀՀ առաջին ատյանի ընդհանուր իրավասության դատարանում ստացվել է գրավը որպես կալանավորման այլընտրանքային խափանման միջոց կիրառելու մասին 906 միջնորդություն, որից 173-ը բավարարվել է։
Դատական դեպարտամենտից, սակայն, չեն նշել, թե որքան գումար է հավաքագրվել բավարարված միջնորդությունների արդյունքում։ Կառույցից մեր գրավոր հարցմանը պատասխանել են, որ նման հաշվառում չեն իրականացնում։
Factor.am-ն ավելի վաղ վերհիշել էր, թե վերջին 1 տարվա ընթացքում ով որքան գրավի դիմաց էր ազատ արձակվել և թե ինչ փուլում են աղմուկի կենտրոնում հայտնված այդ քրեական գործերը։ Մեր առանձնացրած 11 դեպքերով խափաման միջոց գրավի դիմաց վճարվել էր 2 միլիարդ 201 միլիոն դրամ գումար։
Լիլիթ Շաբոյան
