08.11.2024 | 23:14
Վթար Աշտարակի խճուղում․ կա տուժած
Ամերիկյան երեք նահանգներում «Դորիան» փոթորկի պատճառով տարհանում է հայտարարվել
Քաղաքականություն
02.09.2019 | 12:12
Ամերիկյան Ֆլորիդա, Ջորջիա և Հարավային Քարոլինա նահանգներում «Դորիան» փոթորկի պատճառով տարհանում է հայտարարվել: Փոթորկին ամենահզոր՝ հինգերորդ աստիճան է տրվել՝ այդպիսով հնարավոր ավերածությունների մակարդակը որպես աղետալի սահմանելով, գրում է «Ինտերֆաքս»-ը:
Ֆլորիդայի նահանգապետ Ռոն Դեսանտիսը նահանգի 9 շրջաններում պարտադիր տարհանում է հայտարարել, 7-ում՝ կամավոր: Տարհանման ընթացքում ազատ տեղաշարժ ապահովելու համար նահանգապետը հրահանգել է դադարեցնել որոշ վճարովի ավտոճանապարհների վճարների հավաքագրումը:
Ամբողջ նահանգի տարածքում 38 ընդհանուր և 11 մասնագիտացված ապաստան է գործում: Ավելի քան 45 դպրոցներ և 34 բուհեր, ինչպես նաև մի շարք պետական հաստատություններ փակվել են:
Հարավային Քարոլինայի նահանգապետ Հենրի Մաքմասթերն էլ տարհանում է հայտարարել նահանգի ամբողջ ափամերձ շրջաններում: Տարհանումը կառնչվի 830 հազար մարդու: Երեքշաբթիից կփակվեն նաև այդ շրջանների բոլոր դպրոցներն ու պետական հաստատությունները: Ծերանոցներում և հիվանդանոցներում տարհանումն արդեն սկսվել է:
Ափամերձ շրջաններում տարհանման հրահանգ է տվել նաև Ջորջիայի նահանգապետ Բրայան Քեմփը: Նա քաղաքացիներին հորդորել է զգոն լինել և անվտանգ վայրերում մնալ:
