05.08.2026 | 18:34
ԱՄՆ-ում Ուկրաինայի նախկին դեսպանին նոր կասկածի մասին ծանուցում է ուղարկվել
Իսրայելական օդանավերը լիբանանյան օդային տարածք են ներխուժել
Քաղաքականություն
30.08.2019 | 15:57
Իսրայելական ՌՕՈՒ-ի կործանիչներն այսօր Լիբանանի օդային տարածք են ներխուժել և հետախուզական թռիչքներ են իրականացնում երկրի հարավային շրջաններում: Այս մասին գրում է ՏԱՍՍ-ը՝ վկայակոչելով Al Watania- պարբերականը:
Մինչ այդ լիբանանյան բանակի զինծառայողները կրակ էին բացել սահմանը խախտած իսրայելական երեք անօդաչուների ուղղությամբ: Դրանցից մեկը հայտնվել էր սահմանային Էդեյսի երկնքում, իսկ մյուս երկուսը՝ Քաֆր-Քիլա քաղաքի մերձակայքում: Ինտենսիվ կրակից հետո անօդաչու սարքերը վերադարձել են Իսրայելի կողմ:
Լիբանանի ԶՈՒ-ի հրամանատարությունն ավելի վաղ երկրի հարավում տեղակայված զորքերին հրաման էր տվել խոցել հակառակորդի անօդաչուները, որոնք կներխուժեն Լիբանանի օդային տարածք: Երեքշաբթի էլ երկրի նախագահ Միշել Աունի նախագահությամբ անցկացված Բարձրագույն պաշտպանական խորհուրդը հաստատել էր «լիբանանցիների իրավունքը՝ օգտագործել բոլոր միջոցները՝ իսրայելական հարձակումները հետ մղելու համար»:
Նշենք, որ իսրայելցի զինվորականները Լիբանանի վրա հետախուզական թռիչքներն արդարացնում են «Հըզբալլահ»-ի անդամների տեղաշարժերին հետևելու անհրաժեշտությամբ, որոնք պատերազմում են Սիրիայում՝ այդ երկրի կառավարական բանակի կողքին:
