15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
«Իմ նպատակն է ձեզ պահել այստեղ՝ Հայաստանում, ոչ թե դրսում». Սվիտալսկին՝ հայ ուսանողներին
Քաղաքականություն
22.09.2017 | 15:11
Եվրոպական Միության նպատակն է, որ հայաստանցի երիտասարդներն ապրեն ՀՀ-ում, ոչ թե ԵՄ-ում. «Իմ նպատակն է ձեզ պահել այստեղ, ոչ թե դրսում, դուք եք իմ առաջնահերթությունը, որովհետև ՀՀ-ն ձեր կարիքն ունի, ոչ թե Ֆրանսիան կամ Լեհաստանը»։ Այս մասին «Հայաստանում Եվրոպական Միության մոդել-2017» երիտասարդական խորհրդաժողովի ժամանակ ասաց Հայաստանում ԵՄ պատվիրակության ղեկավար, դեսպան Պյոտր Սվիտալսկին՝ դիմելով ներկա ուսանողներին։
Տեղեկացնենք, որ խորհրդաժողովին ներկա են տարբեր բուհերից 130 երիտասարդներ, որոնք դեսպանին են դիմում իրենց հետաքրքրող հարցերով։ Երիտասարդներից մեկը հետաքրքրվեց ՀՀ-ի՝ այլ գործընկերների հետ հարաբերություններից և հարց հնչեցրեց՝ արդյոք դա չի՞ ազդում ՀՀ-ԵՄ հարաբերությունների վրա, դեսպանը ժպտալով պատասխանեց․ «Նախանձ չեմ զգում, խրախուսում եմ, որ շատ ընկերներ ունենաք, մենք չենք զգում, որ մրցում ենք»։
Պյոտր Սվիտալսկու խոսքով՝ արդեն իսկ այն հանգամանքը, որ ՀՀ-ն պատրաստվում է ԵՄ-ի հետ համաձայնագիր ստորագրել, նշանակում է, որ ՌԴ-ի մոտ դաշնակցային հարաբերությունները պահպանվում են, բայց Հայաստանն ունի հարուստ ու հագեցած հարաբերություններ ԵՄ-ի հետ։ «Ես բնույթով լավատես եմ, հետևաբար կարծում եմ, որ կարող ենք շփումներ ունենալ փոխադարձ հետաքրքրություններ ներկայացնող հարցրերի շուրջ»,- ասաց նա։
Սեդա Ղուկասյան
