28.11.2024 | 18:43
Սպիտակ տունը հայտարարել է, որ մտադիր չէ միջուկային զենք փոխանցել Ուկրաինային
Վրաստանի նախագահը նշել է ՌԴ-ի հետ երկխոսության վերականգնման պայմանը
Քաղաքականություն
28.08.2019 | 14:47
Ռուսաստանի դիրքորոշման փոփոխությունը կարող է Թբիլիսիի և Մոսկվայի միջև երկխոսության վերականգնման հիմք դառնալ: Euronews-ին տված հարցազրույցում այս մասին հայտարարել է Վրաստանի նախագահ Սալոմե Զուրաբիշվիլին՝ հավելելով, որ միայն այդ դեպքում Վրաստանը պատրաստ կլինի ՌԴ-ի հետ շփման, գրում է ՏԱՍՍ-ը:
«Ռուսաստանի հետ որևէ շփում ունենալու, այն վերականգնելու համար մենք պետք է հստակ հասկանանք, որ փոփոխություններ են տեղի ունեցել Ռուսաստանի դիրքորոշման մեջ այնպիսի փոքր հարևանի հանդեպ, ինչպիսին մենք ենք: Նաև ՌԴ-ն պետք է ընդունի, որ հարաբերությունները չեն կարող կառուցվել հարկադրանքի վրա»,- ասել է Զուրաբիշվիլին:
Նրա խոսքով, երբ Թբիլիսին հստակ ազդակներ տեսնի այդ ուղղությամբ, պատրաստ կլինի ապագայում երկխոսության:
Սալոմե Զուրաբիշվիլին հիշեցրել է, որ Վրաստանն ու Ռուսաստանը դիվանագիտական հարաբերություններ չունեն 2008 թվականից:
