08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Ստոր անհավատներ». թուրք օգտատերերի արձագանքը Լավրովի հայտարարությանը
Քաղաքականություն
22.08.2019 | 15:21
Համացանցի թուրքական տիրույթի ազգայնական հատվածում լայն արձագանք է ստացել Թուրքիայի մասին ՌԴ արտգործնախարար Սերգեյ Լավրովի հայտարարությունը, ինչպես նաև ռուսական հրթիռակոծությունները Սիրիայի Իդլիբ նահանգում. գրում է ermenihaber-ը:
Լավրովն ասել էր, որ պաշտոնական Մոսկվան վաղուց էր Անկարային զգուշացրել Սիրիայի Իդլիբ նահանգը ռմբակոծելու մասին: Նաև նշել էր, որ թուրք զինվորների ներկայությունն Իդլիբում այդպես էլ չօգնեց ահաբեկիչների հարձակումների կանխմանը։
Թուրք ազգայնական օգտատերերը, ցավագին ընդունելով Լավրովի հայտարարությունը, ինչպես նաև Ռուսաստանի հրթիռակոծություններն Իդլիբում, կոշտ մեկնաբանություններով են հանդես եկել:
Ստորև ներկայացնում ենք դրանցից ամենաուշագրավները:
Türkmen
«Այ քեզ բան, սա էլ Ռուսաստանն է։ Սրանից հետո ռուսները մեզ բարեկա՞մ են, թե՞ թշնամի։ Մենք պետք է զգույշ լինենք»:
Talhaaa
«Ստոր անհավատներ, հիմա դուք հարձակվում եք երեխաների ու կանա՞նց վրա, թե՞ ձեր կողմից ահաբեկչական համարվող կազմակերպությունների վրա»։
Büyükdoğu
«Անողոք Ռուսաստանը վաղուց է Իդլիբի վրա հարձակվում»:
Mehmet
«Այդ ռուսներն են, որ հարվածում են մեր կողմից աջակցություն վայելող ընդդիմությանը»։
Ahmet
«Ռուսներին հավատալ պետք չէ»:
