27.06.2026 | 12:48
Գտնում եմ, որ ողջ ՀՀ-ում պետք է վերաքվեարկություն նշանակվի, անվավեր ճանաչվի այս ընտրությունը․ Օրբելյան․ ՏԵՍԱՆՅՈՒԹ
Հրդեհ «Արևիկ» ազգային պարկի հարակից տարածքում. հրդեհաշիջման աշխատանքները վերսկսվել են
Հասարակություն
16.08.2019 | 10:40
«Արևիկ» ազգային պարկի հարակից տարածքում՝ Սյունիքի մարզի Լեհվազ-Վարդանիձոր ավտոճանապարհի մոտակա անտառում օգոստոսի 14-ին բռնկված հրդեհի մարելու աշխատանքներն այսօր առավոտյան վերսկսվել են: Այս մասին տեղեկանում ենք ՀՀ ԱԻՆ մամուլի ծառայությունից:
Հրդեհաշիջման գործընթացին ներգրավվել են Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնից երկու փրկարարական ջոկատ և Մարզային փրկարարական վարչության երկու հրշեջ-փրկարարական ջոկատ:
Նախօրեի տվյալներով՝ այրվել է 2 հա բուսածածկույթ, առկա է մոտ 25 ծխացող օջախ: Երեկ երեկոյան հրդեհաշիջման աշխատանքները դադարեցվել էին: 24 փրկարարի և «Արևիկ» ազգային պարկի 7 աշխատակցի կողմից հերթապահություն էր սահմանվել:
Նշենք, որ անտառային հրդեհի խնդրին անդրադարձ է եղել նաև ՀՀ Կառավարության երեկվա նիստում: Վարչապետ Նիկոլ Փաշինյանը նշել էր, թե կարծիքներ են հնչում, որ անտառները միտումնավոր են հրդեհում՝ Ոստիկանությանն ու ԱԱԾ-ին կոչ անելով աշխատել դա պարզելու ուղղությամբ:
