14.12.2024 | 19:57
Ինչ իրավիճակ է ճանապարհներին 19։35-ի դրությամբ
Շատ դեպքերում կոռուպցիան արտագաղթի պատճառ է դառնում. Զավեն Խանջյան
Քաղաքականություն
20.09.2017 | 16:07
Հայաստան-սփյուռք 6-րդ համաժողովն անցավ կառուցողական քննարկումների մթնոլորտում: Այս մասին համաժողովի վերջում լրագրողների հետ ճեպազրույցում հայտարարեց Ամերիկայի Հայ Ավետարանչական ընկերակցության գործադիր տնօրեն Զավեն Խանջյանը:
Զավեն Խանջյանին, սակայն, մտահոգում է այն, որ համաժողովի ընթացում հնչած հայտարարություններն ու վստահեցումները գուցե կյանքի չկոչվեն: Խանջյանը համաձայն է վարչապետ Կարեն Կարապետյանի հայտարարության հետ, որ Հայաստանում կոռուպցիան անհանդուրժելի է և հանդիսանում է դժվարություններից ու ախտերից մեկը:
«Շատ դեպքերում էլ կոռուպցիան արտագաղթի պատճառ է դառնում: Իմ մտահոգությունը հենց դա է, թե օրենքի այս բաժինը, այդ անհանդուրժողականությունն ինչպե՞ս կկիրառվի»,- հավելեց Զավեն Խանջյանը՝ վստահեցնելով, որ սփյուռքն իր ներկայացուցիչներով, այդուհանդերձ, կշարունակի նպաստել հայրենքի բարօրությանը:
Մանրամասները՝ տեսանյութում:
Շողիկ Գալստյան
