08.11.2024 | 23:14
Վթար Աշտարակի խճուղում․ կա տուժած
«Ավելի շատ կքնեմ և համերգների կգնամ»․ Մերկելը մտադիր է հեռանալ քաղաքականությունից
Քաղաքականություն
14.08.2019 | 11:59
Գերմանիայի կանցլեր Անգելա Մերկելը նշել է, որ Բունդեսթագի հաջորդ՝ 2021 թվականի ընտրություններից հետո մտադիր չէ զբաղվել ակտիվ քաղաքական գործունեությամբ։ Այս մասին տեղեկանում ենք գերմանական Ostsee-Zeitung պարբերականից։
«Ես կշարունակեմ քաղաքական մարդ լինել, սակայն ակտիվ քաղաքական գործունեությամբ չեմ զբաղվի։ Կփորձեմ ավելի շատ քնել։ Եթե ստացվի՝ ամուսնուս կամ ընկերներիս հետ համերգ կամ օպերա կգնամ։ Ես 1980-ականների վերջից քաղաքականության մեջ եմ։ Չի կարելի ասել, որ սա փորձնական ընթացք էր»,- ասել է նա։
Գերմանիայի կանցլերն անկեղծացել է, որ իր ղեկավարման ընթացքում չի հասել այն ամենին, ինչ ցանկացել է։
Նշենք, որ ավելի վաղ Մերկելը հայտարարել էր, որ 2021 թվականին չի հավակնի կանցլերի և Քրիստոնեա-դեմոկրատական միության նախագահի պաշտոնին։
Նելլի Մելքոնյան
