18.10.2026 | 15:28
Հայաստանում ձմեռային զորակոչը կմեկնարկի նոյեմբերի 16-ին․ հայտնի են զորակոչի և զորացրման ժամկետները
Աթենքից ոչ հեռու ուժեղ անտառային հրդեհ է բռնկվել
Քաղաքականություն
13.08.2019 | 13:52
Հունաստանի մայրաքաղաք Աթենքից ոչ հեռու՝ Էվբեա կղզում, գիշերն ուժեղ անտառային հրդեհ է բռնկվել: Կրակը մարելու համար տասնյակ հրշեջ մեքենաներ են ուղարկվել: Այս մասին գրում է ՌԻԱ Նովոստի-ն՝ վկայակոչելով Հունաստանի հրշեջ ծառայությունը
Հրդեհը բռնկվել է Էվբեա կղզու կենտրոնական մասի Դիրֆիա և Մեսապիա նահանգի Ագրիլիցայի շրջանի անտառում: Աղետի գոտի է ուղարկվել 20 հրշեջ մեքենա՝ 45 հրշեջով։ Կարճ ժամանակ անց, հրդեհաշիջման աշխատանքներն իրականացնող խումբն ուժեղացվել է։ Այս պահին հրշեջների թիվը 120 է, մեքենաներինը՝ 39։ Բացի այդ, աշխատանքներին են միացել չորս ինքնաթիռ և երկու ուղղաթիռ։
Աղբյուրի փոխանցմամբ՝ ուժգին քամին նպաստում է կրակի տարածմանը, և հրդեհի ծուխը զգացվում է 70 կմ հեռավորության վրա գտնվող մայրաքաղաք Աթենքում։
Նշենք, որ Հունաստանում ուժգին քամիներ են, իսկ օդի ջերմաստիճանը 40-ի հասնում։ Օգոստոսի 11-ին երկրում հրդեհավտանգության կարմիր մակարդակ է նշվել։ Եվ չնայած զգուշացումներինէ՝ երեք օրում 180 անտառային հրդեհ է բռնկվել։
Նախօրեին էլ հրդեհ էր բռնկվել Աթենքի մոտակայքում գտնվող Մարաթոն բնակավայրում, Էլաֆոնինոս կղզում, Պելոպոնես թերակղզում, Սամոթրակի կղզում, ինչպես նաև Հունաստանի արևմուտքում գտնվող Արտա քաղաքում։
Նելլի Մելքոնյան
