18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
Հարցաքննությունից դուրս գալիս Պորոշենկոյի վրա ձվեր են նետել
Քաղաքականություն
12.08.2019 | 15:29
Հարցաքննությունից հետո Հետաքննությունների պետական բյուրոյի (ՀՊԲ) շենքից դուրս գալիս անհայտ անձինք ձվեր են նետել Ուկրաինայի նախկին նախագահ Պյոտր Պորոշենկոյի վրա: Այս մասին հաղորդում է ՌԻԱ Նովոստի – ի թղթակիցը:
Նշենք, որ Պյոտր Պորոշենկոն հարցաքննվել է «Прямой» հեռուստաալիքի գնման ժամանակ հարկերից խուսափելու գործով: Պորոշենկոյի փաստաբան Իգոր Գոլովանը լրագրողներին հայտնել է, որ պետության նախկին ղեկավարը լրացուցիչ ցուցմունքներ է տվել:
«Մենք լրացուցիչ պատասխաններ են բերել, քանի որ երբեմն հարկավոր է ինչ-որ բան հիշել, երբեմն՝ ստուգել, և մենք այսօր մեր պատասխաններն ենք բերել և լրացուցիչ հարցաքննվել»,- ասել է փաստաբանը:
Փաստաբանը նշել է նաև, որ Պորոշենկոն որպես վկա անցնում է երեք գործով, այսօր նրան հաղորդել են ևս մեկի մասին:
Ավելի վաղ Հետաքննությունների պետական բյուրոյի տնօրեն Ռոման Տրուբան հայտարարել էր, որ Պորոշենկոյի և բարձրաստիճան այլ անձանց դեմ 11 քրեական գործով հետաքննություն է կատարվում: Ուկրաինայի գլխավոր դատախազ Յուրի Լուցենկոն իր հերթին նշել է, որ բոլոր գործերով նախկին նախագահն անցնում է որպես վկա:
Ինքը՝ Պորոշենկոն, հայտարարել է, որ պատասխանատու է ուկրաինացի ժողովրդի առջև և չի վախենում հետաքննությունից:
