27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
Պյոտր Պորոշենկոն հարցաքննության է ներկայացել
Քաղաքականություն
12.08.2019 | 12:34
Ուկրաինայի նախկին նախագահ Պյոտր Պորոշենկոն «Прямой» հեռուստաալիքի առքուվաճառքի ժամանակ հարկերից խուսափելու գործով հարցաքննության է ներկայացել Հետաքննությունների պետական բյուրո (ՀՊԲ): Այս մասին հաղորդում է ՏԱՍՍ-ը:
Նախկին նախագահին Բյուրոյի մոտ մի խումբ ցուցարարներ են դիմավորել: Ցուցարարներն ակցիային մասնակցում են տարբեր գրությամբ պաստառներով:
Հետաքննությունների պետական բյուրոն, հիշեցնենք, մայիսի 27-ին գրանցել է Վիկտոր Յանուկովիչի նախագահության տարիներին նրա վարչակազմի ղեկավարի տեղակալ, իրավաբան Անդրեյ Պորտնովի դիմումը, որում իրավաբանը Պյոտր Պորոշենկոյին մեղադրում է ուկրաինական հեռուստաալիքը գնելիս ֆինանսական միջոցների լվացման և եկամուտների օրինականացման մեջ:
Անդրեյ Պորտնովը պնդում է, որ Պորոշենկոն կազմակերպված հանցավոր խմբի կազմում գնել է հեռուստաալիքը՝ այն ձևակերպելով օֆշորային ընկերության հաշվեկշռում, որը ձևականորեն պատկանոմ է Տարածաշրջանների կուսակցության նախկին անդամ Վլադիմիր Մակեենկոյին:
