08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
Մխիթարյան միաբանությունը հայտարարություն է տարածել
09.08.2019 | 17:08
Մխիթարյան միաբանությունը հայտարարություն է տարածել՝ անդրադառնալով Սևրի Սամուել Մուրադյան վարժարանի համալիր տարածքի հետագա կառավարման մոտեցումներին՝ ակնկալելով այլընտրանքային առաջարկություններ կամ լուծումներ։ Այս մասին հայտնում են ՀՀ նախագահի աշխատակազմից։
Վարժարանի ապագային վերաբերող հարցերը քննարկվել էին նախագահ Արմեն Սարգսյանի՝ հուլիսի 25-ին վարժարան այցի ժամանակ: Ձեռք բերված պայմանավորվածության համաձայն՝ առաջիկա 6-8 ամիսներին յուրաքանչյուր հայ, հայկական կազմակերպություն կարող է պատմական կառույցը վերականգնելու առաջարկ ներկայացնել:
Նախագահի այցին հաջորդած՝ Մխիթարյան միաբանության հայտարարությունում ասվում է. «Նախագահը եկել էր ցույց տալու իր աջակցությունը Մխիթարյան միաբանությանը և կապվածությունը Սևրի ժառանգությանը, որի համար նա փափագում է անձնապես հետեւել պատմական շենքերի վերանորոգմանը»:
