06.10.2026 | 22:54
Հայաստանի մի շարք հասցեներում էլեկտրաէներգիայի անջատումներ կլինեն
Արայիկ Հարությունյանը հայտարարել է Սարսանգի ջրանցքի հետ կապված Արցախի ամենախոշոր տնտեսական նախագծի մեկնարկի մասին
08.08.2019 | 19:52
Արցախի «Ազատ Հայրենիք» կուսակցության նախագահ Արայիկ Հարությունյանը, որը պատրաստվում է առաջադրվել նախագահական ընտրություններում, հայտարարել է խոշոր ներդրման մասին։
«Արցախի ամենախոշոր տնտեսական նախագծի մեկնարկը տրված է: Հավաստիացնում եմ, որ այս ծրագրի իրականացման արդյունքում մենք ունենալու ենք նոր որակի գյուղատնտեսություն, այն էական ազդեցություն է թողնելու հատկապես վերամշակող արդյունաբերության զարգացման վրա:
Եթե հիշում եք, դեռևս անցած տարվա նոյեմբերի 13-ին ֆեյսբուքյան իմ էջում գրել էի, որ Եվրոպա կատարած իմ այցի ընթացքում ներդրողների հետ ինտենսիվ քննարկումներից հետո պայմանավորվել ենք ավելի քան 100 մլն ԱՄՆ դոլար արժողությամբ ներդրումային նախագծի իրականացման մասին:
Խոսքը մասնավորապես վերաբերում է Սարսանգի աջափնյա ջրանցքի կառուցմանը, որը ոռոգովի կդարձնի ավելի քան 10,000 հեկտար հողատարածք՝ ընդգրկելով երեք շրջանների՝ Մարտակերտի, Ասկերանի (Ակնա թաղամաս) և Մարտունու դաշտավայրային լավագույն հողատարածքները:
Ծրագիրը, բացի տնտեսական մասից, ունի նաև քաղաքական կողմ», – ֆեյսբուքյան իր էջում գրել է Հարությունյանը։
