22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
Կրասնոյարսկում զինապահեստի պայթյունի հետևանքով չորս մարդ է զոհվել
Քաղաքականություն
05.08.2019 | 20:16
Ռուսաստանի Կրասնոյարսկ երկրամասի Աչինսկ քաղաքից ոչ հեռու գտնվող զորամասերից մեկում պայթյունի հետևանքով հրդեհ է բռնկվել։
Ութ մարդ է տուժել։ Այս մասին տեղեկացնում է ՌԻԱ Նովոստին։
Տուժածներից հինգն ամբուլատոր բուժման է ուղարկվել, իսկ երեքը՝ հոսպիտալացել, տուժածներից մեկը հրշեջ է, երկուսը՝ զինվորական։
Նախնական տվյալներով՝ հրդեհը բռնկվել է հրետանային զինամթերքի պահեստում՝ արկի պայթյունից:
ՌԴ ԱԻՆ-ը հայտնել է, որ հրդեհի հետևանհքով մոտ հազար մարդ է տարհանվել։
Տարհանումը երեք բնակավայրում է իրականացվել․ Զաբորկայում՝ 67 մարդ, Ուլույսկի շրջանում ՝ 430 և Կամենկայում՝ 153, իսկ մանկական ճամբարում 257 երեխայի են տարհանել և 66 մեծահասակի։
Ռազմամթերքի պայթունից հետո բեկորները 15կմ շառավղով ցրվել են։
Աչինսկի իշխանությունները բնակիչներին հորդորել են չմոտենալ զորամասին:
Հրդեհի մարման աշխատանքներին մասնակցում է մարտական 4 հաշվարկ, ինչպես նաև՝ Աչինսկի հրդեհային կայազորի ենթաբաժանումները։
ՌԴ Պաշտպանության նախարար Սերգեյ Շոյգուն իր տեղակալ Դմիտրի Բուլգակովին և փորձագիտական խումբ է ուղարկել դեպքի վայր։
Նախնական տվյալներով՝ այրվող պահեստում 40 հազար պայթուցիկ է եղել, այդ թվում՝ 125 և 152մմ տրամաչափի։
Նելլի Մելքոնյան
