14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՌԴ ԱԻՆ-ը հայտնել է Սիբիրում անտառային հրդեհների հիմնական պատճառը
Քաղաքականություն
05.08.2019 | 16:26
Սիբիրում անտառային հրդեհների հիմնական պատճառ է դարձել կրակի հետ անզգույշ վարմունքը: ՌԻԱ Նովոստի-ի փոխանցմամբ՝ այս մասին Պետդումայում աշխատանքային խորհրդակցության ժամանակ հայտնել է ՌԴ ԱԻ նախարարի տեղակալ Իգոր Կոբզևը:
Միաժամանակ, ԱԻՆ տվյալներով, չոր կայծակները կրակի առաջացման հիմնական պատճառը չեն: Ռոսսելխոզի ղեկավարի ժամանակավոր պաշտոնակատար Միխայիլ Կլիմովը, սակայն, հայտարարել է, որ վերահսկվող գոտիներում, որտեղ հրդեհների մարումը պարտադիր չէ և կատարվում է տեղական իշխանությունների որոշմամբ, անտառային հրդեհները, ամեն դեպքում, սկսվել են չոր կայծակների հետևանքով:
Անտառային հրդեհների պատճառով արտակարգ դրության ռեժիմ է հայտարարվել չորս շրջաններում՝ Իրկուտսկի մարզում, Կրասնոյարսկի երկրամասում, Բուրյատիայում և Յակուտիայում: Հրդեհներն ընդհանուր առմամբ 2.3 մլն հեկտար տարածք են ընդգրկել, ծխի գոտում ավելի քան 600 բնակավայր է հայտնվել:
Հրդեհաշիջման աշխատանքներին մասնակցում է շուրջ 10 հազար մարդ, երեք հազար միավոր տեխնիկա և 70 օդանավ:
