08.11.2024 | 23:14
Վթար Աշտարակի խճուղում․ կա տուժած
Թուրքիան ու ԱՄՆ-ն համաձայնության չեն գալիս Սիրիայում անվտանգության գոտի հիմնելու պայմանների շուրջ
Քաղաքականություն
02.08.2019 | 11:54
Սիրիայում ԱՄՆ-ի հատուկ ներկայացուցիչ Ջեյմս Ջեֆրին հաստատել է, որ Թուրքիայի հետ կան մի շարք տարաձայնություններ Սիրիայում ստեղծվելիք անվտանգության գոտու հարցում. գրում է ermenihaber-ը:
«Թուրքիայի պաշտպանության նախարարը բավականին կոշտ դիրքորոշում է որդեգրել այս հարցում։ Թուրքիան ցանկանում է ավելի մեծ խորությամբ անվտանգության գոտի ստեղծել, իսկ մեզ համար ընդունելի է 5- 14 կմ խորություն ունեցող անվտանգության գոտին։ Այս հարցում կան անհամաձայնություններ, որոնք խոչընդոտում են անվտանգության գոտւ ստեղծմանը: Դիվանագիտական և ռազմական բանակցությունները շարունակվում են»,- ասել է ամերիկացի պաշտոնյան։
Ավելի վաղ Թուրքիայի պաշտպանության նախարարը հայտարարել էր, որ եթե ԱՄՆ-ն ու Թուրքիան Սիրիայի հյուսիսում ստեղծվելիք անվտանգության գոտու հարցում համաձայնության չեկան, Թուրքիան այն միայնակ կհիմնի։
