08.11.2024 | 23:14
Վթար Աշտարակի խճուղում․ կա տուժած
ԱԴԾ-ն Թաթարստանում ահաբեկչություն է կանխել
Քաղաքականություն
31.07.2019 | 17:33
ՌԴ Անվտանգության դաշնային ծառայությունը Թաթարստանում ահաբեկչություն է կանխել: Այս մասին գրում է ՌԻԱ Նովոստին՝ վկայակոչելով ԱԴԾ հասարակայնության հետ կապերի ծառայությունը:
Գործողությունն իրականացվել է ՆԳՆ ծառայողների հետ համատեղ: Ձերբակալվել է «Իսլամական պետության» երկու համախոհ, որոնց կասկածում են ահաբեկչություն քարոզելու և մարդկանց հավաքագրելու մեջ:
Նշվում է, որ ձերբակալվածները ՌԴ քաղաքացիները են, սակայն, նախաքննության շահերից ելնելով, նրանց անունները չեն հրապարակվում:
Կասկածյալների մոտից պայթուցիկ նյութեր և ինքնաշեն պայթուցիկ սարքերի բաղադրիչներ են առգրավել:
Նախօրեին երկրի գլխավոր դատախազի առաջին տեղակալ Ալեքսանդր Բուկսմանը հայտնել էր, որ երկրում ահաբեկչությունների կանխման ցուցանիշը չի նվազում: Միայն այս տարեսկզբից 17 նման դեպք է կանխվել:
Վերջին խոշոր գործողությունը ՌԴ-ում անցկացվել էր մեկ ամիս առաջ: Հունիսի 26-ին ուժայինները ռուսաստանցու էին ոչնչացրել, որ հավատարմություն էր հայտնել ԻՊ-ին և հարձակում էր ծրագրել Սատարովում:
