15.01.2026 | 13:28
Իրար հետ կապ չունեն. Փաշինյանը` գերիների վերադարձի և սիրիացի վարձկաններին վերադարձնելու մասին․ ՏԵՍԱՆՅՈՒԹ
Պենտագոնը պատրաստվում է ՌԴ-ի հյուսիսային շրջաններում ուսումնասիրություն իրականացնել
Քաղաքականություն
31.07.2019 | 14:52
ԱՄՆ Պաշտպանության նախարարության պաշտպանական լոգիստիկ գործակալությունը կազմակերպություններ է փնտրում՝ «Հյուսիսային բևեռային շրջանի շուկաների ուսումնասիրության» համար։ Այս մասին գրում է ՌԻԱ Նովոստին:
Ուսումնասիրություններն իրականացվելու են Կոլգուևի կղզում, Յամալ-Նենեց ինքնավար մարզում, Մուրմանսկի շրջանում, Սեվերնայա Զեմլյա կղզում, Յակուտիայում: Բացի ՌԴ տարածքներից՝ ուսումնասիրության ենթակա շրջանների ցանկում ներառված են նաև Գրենլանդիան, Ալյասկան, Կանադան, Նորվեգիան, Շվեդիան, Իսլանդիան և Ֆինլանդիան:
Ուսումնասիրության մասին ԱՄՆ Պաշտպանության նախարարության փաստաթղթում նշվում է, որ հետաքննության հաշվետվությունները պետք է տեղեկատվություն պարունակեն այն մասին, թե որտեղից են տվյալ շրջաններին մատակարարվում շշալցված ջուր, սնունդ, հագուստ, նավթամթերք և բժշկական պատրաստուկներ, ինչպես նաև տեղեկատվություն այդ վայրերից յուրաքանչյուրում բնական ռեսուրսների և հանքանյութերի առկայության մասին։
Բացի այդ՝ պետք է ցուցակներ կազմվեն ամենից հաճախ օգտագործվող նավահանգիստների, ճանապարհների, երկաթուղային կայարանների մասին, ինչպես նաև տրվեն օդանավակայանների բնութագրերը։
Փաստաթղթի համաձայն՝ հետաքննությունների նպատակն արտակարգ իրավիճակներում ԱՄՆ կառավարության մոբիլիզացիոն կարիքների բավարարման համար համաշխարհային առևտրային հատվածի հնարավորությունների բարելավումն է։
Փաստաթղթում նշվում է նաև, որ հետաքննության ավարտից հետո հաշվետվություններն ԱՄՆ Պաշտպանության նախարարությանն անհրաժեշտ են «IBex» արդյունաբերական բազայի ընդլայնման համար։ Բազան տվյալներ է հավաքագրում աշխարհում առևտրային ձեռնարկությունների հնարավորությունների մասին, նպաստում ամերիկյան զինուժի գործունեությանը, ինչպես նաև մասնակցում տարերային աղետների հետևանքների վերացման աշխատանքներին։
Նելլի Մելքոնյան
