21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Աֆղանստանում ավտոբուս է պայթել. 34 զոհ կա
Քաղաքականություն
31.07.2019 | 14:15
Աֆղանստանի հյուսիս-արևմուտքում գտնվող Հերաթ քաղաքում ավտոբուսի պայթյունի հետևանքով 34 մարդ է զոհվել, 17-ը՝ վիրավորվել։ Զոհերի թվում կանայք և երեխաներ կան։ Այս մասին հայտնում է Afghanistan.ru-ն։
Պատահարի պատճառը ճանապարհին տեղադրված ականն է դարձել։ Տուժածները տարհանվել են և տեղափոխվել Հերաթի քաղաքացիական հիվանդանոց։ Նշվում է, որ ավտոբուսը հարևան Ֆարախ քաղաք էր ուղևորվում:
«Թալիբան ապստամբների կողմից տեղադրված ականի թիրախում աֆղանական ու արտաքին անվտանգության ուժերն են եղել»,- նշել է Ֆարախի քաղաքապետարանի խոսնակ Մուհիբուլա Մուհիբը։
Al Jazeera-ն էլ հիշեցնում է, որ «Թալիբան» շարժման անդամները ճանապարհին հաճախ են նման ականներ տեղադրում՝ թիրախավորելով Կառավարության անդամներին և անվտանգության ուժերին:
Նելլի Մելքոնյան
