15.01.2026 | 12:08
ԵՄ-ն ողջունում է Ադրբեջանի կողմից հայ գերիների ազատ արձակումն ու Հայաստանին փոխանցումը
Ճապոնիայում տապի հետևանքով 11 մարդ է մահացել. աննախադեպ շոգ է նաև եվրոպական մայրցամաքում
Քաղաքականություն
30.07.2019 | 14:49
Ճապոնիայի գրեթե ամբողջ տարածքում հաստատված շոգի հետևանքով մեկ շաբաթվա ընթացքում 11 մարդ է մահացել, 5.664 մարդ հոսպիտալացվել է: Այս մասին գրում է ՌԻԱ Նովոստին՝ վկայակոչելով երկրի հրշեջ ծառայության տվյալները:
Հիվանդանոց տեղափոխվածների թիվն անցած շաբաթվա ցուցանիշը գերազանցել է երեք անգամ: Պատճառը Ճապոնիայի համար բավական ցուրտ հունիսից և հուլիսի առաջին կեսից հետո ջերմաստիճանի կտրուկ բարձրացումն է, որը հասել է 32-35 աստիճան տաքության:
Չափազանց շոգ եղանակ է նաև եվրոպական մայրցամաքում: Մեծ Բրիտանիայում ամռան համար ջերմաստիճանի բացարձակ ռեկորդ է գրանցվել. Քեմբրիջի բուսաբանական այգում հուլիսի 25-ին +38.7 աստիճան է եղել: Օդերևութաբանների տվյալներով՝ նախորդ առավելագույն ջերմաստիճանը՝ +38.5 աստիճան, գրանցվել է 2003 թվականի օգոստոսի 10-ին:
Միաժամանակ, Փարիզում գրանցվել է +42.6 աստիճան, Նիդերլանդներում՝ +40.4 աստիճան, Գերմանիայում՝ +42.6 աստիճան, Բելգիայում՝ +40.6 աստիճան:
Համաշխարհային օդերևութաբանական կազմակերպության պաշտոնական ներկայացուցիչ Քլեր Նյուլիսն ավելի վաղ հայտնել էր, որ 2019 թվականի հուլիսը կարող է դառնալ ամենաշոգը եղանակային կանխատեսումների պատմության մեջ:
