11.12.2024 | 21:29
Օրբանը զանգահարել է Պուտինին․ քննարկվել է ուկրաինական հակամարտությունն ու իրավիճակը Սիրիայում
Արդարացի չէ, որ չեն ճանաչում ԼՂ անկախությունը. Նորատ Տեր Գրիգորյանց
Քաղաքականություն
18.09.2017 | 13:36
Ղարաբաղյան հակամարտությունը պետք է լուծել խաղաղ ճանապարհով: Այս մասին Հայաստան-Սփյուռք 6–րդ համաժողովի մեկնարկին, լրագրողների հետ զրույցում ասաց քաղաքական և ռազմական գործիչ Նորատ Տեր–Գրիգորյանցը:
«Առաջիկայում սպասվում են երկու երկրների նախագահների հանդիպում: Ես այդ նախագահի հետ երբեք հույսեր չէի կապի, որովհետև մենք 1994–ին զզվելի փաստաթուղթ ենք ստորագրել հրադադարի դադարեցման մասին, բայց ստացվեց այնպես, որ անընդհատ խախտում են հրադադարը »,- շարունակեց ռազմական գործիչը՝ պատասխանելով ղարաբաղյան կարգավորման վերաբերյալ լրագրողների հարցերին:
Ռազմական գործչի խոսքով՝ Ադրբեջանի նախագահի գործողություններն ահաբեկչական բնույթ են կրում և դրա մասին է վկայում ապրիլյան հարձակումը, երբ նրանք գլուխներ էին կտրում, ինչը պատերազմի ժամանակ մարդասիրական իրավունքի ոտնահարում է։
Բացի այդ՝ գեներալ–լեյտենանտը կարծում է, որ արդարացի չէ, որ չեն ճանաչում Լեռնային Ղարաբաղի անկախությունը, քանի որ ճանաչել են Հարավային Օսիայի, Կոսովոյի և Ղրիմի ժողովրդի ինքնորոշման իրավունքը։
Մանրամասները՝ տեսանյութում:
Շողիկ Գալստյան
