08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Աֆղանստանում վարչապետի թեկնածուի գրասենյակի մոտ պայթյունի հետևանքով 20 մարդ է զոհվել
Քաղաքականություն
29.07.2019 | 13:43
Աֆղանստանի վարչապետի թեկնածու Ամրուլլա Սալեհի գրասենյակի վրա հարձակման հետևանքով Քաբուլում զոհերի թիվը 20-ի է հասել, 50 տուժած կա: Նրանց թվում է նաև Ամրուլլա Սալեհը: Այս մասին հայտնում է ՌԻԱ Նովոստին՝ վկայակոչելով աֆղանական Tolo News հեռուստաալիքն ու ԱՖղանստանի ՆԳՆ ներկայացուցիչ Նուսրաթ Ռահիմին։
Ավելի վաղ հաղորդվել էր մեկ զոհի և 13 տուժածի մասին: Tolo News հեռուստաալիքը հայտնել է, որ հարձակվողները 4-ն են եղել, իսկ պատահարի պահին Ամրուլլա Սալեհի գրասենյակում նրա օգնականներն են եղել։
Աֆղանստանի աջակցման ՄԱԿ-ի առաքելությունն այսօր իր թվիթերյան էջում հայտարարություն է տարածել, որում դատապարտել է Աֆղանստանի վարչապետի թեկնածուի ղեկավարած «Green Trend» քաղաքական շարժման գրասենյակի վրա հարձակումը։
«ՄԱԿ-ը դատապարտում է վարչապետի թեկնածուի գրասենյակի վրա հարձակումը։ Թեկնածուները խաղաղ քաղաքացիներ են։ Նախընտրական քարոզչության ընթացքում բռնությունը չպետք է տեղ ունենա»,- ասվում է հայտարարության մեջ։
Աֆղանստանի ՆԳՆ-ի տվյալներով՝ շենքից, որտեղ գտնվում է «Green Trend»-ի գրասենյակը, ավելի քան 1500 մարդ է տարհանվել։ ԱՖղանական ուժերը նաև վնասազերծել են հարձակումն իրականացրած չորս անձանց:
Նելլի Մելքոնյան
