22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Հայաստան-Սփյուռք 6-րդ համաժողովը միտված է Սերժ Սարգսյանի PR ակցիայի վերածվելու. Նիկոլ Փաշինյան
Քաղաքականություն
18.09.2017 | 11:19
«Ելք» խմբակցության ղեկավար Նիկոլ Փաշինյանը ֆեյսբուքյան գրառմամբ բացատրել է, թե ինչու «Ելք» դաշինքը չի մասնակցում Հայաստան-Սփյուռք 6-րդ համաժողովին:
««Ելք» դաշինքը չի մասնակցում Հայաստան-Սփյուռք 6-րդ համաժողովին, որովհետեւ՝
1. Դաշինքի կուսակցությունները, ինչպես նաեւ ԱԺ կամ Երեւանի ավագանու խմբակցության անդամները համաժողովին մասնակցելու հրավերներ չեն ստացել, առավելեւս՝ չեն հրավիրվել Հայաստան-Սփյուռք հարաբերությունների վերաբերյալ Դաշինքի մոտեցումները հայտնելու:
2. Այս եւ մի քանի այլ փաստեր գալիս են վկայելու, որ միջոցառումը միտված է Սերժ Սարգսյանի PR ակցիայի վերածվելու:
3. Հիշեցնում ենք, որ «Ելք» դաշինքի նախընտրական ծրագրի կարեւորագույն կետերից մեկը Հայաստանի խորհրդարանի երկրորդ պալատի ստեղծումն է՝ կազմված Սփյուռքի համայնքների ներկայացուցիչներից: Այս ծրագիրը պատրաստ ենք քննարկել Սփյուռքի բոլոր կառույցների հետ եւ ձեռնմուխ լինել համապատասխան սահմանադրական փոփոխությունների փաթեթի նախապատրաստմանը»,- գրել է նա:
