08.11.2024 | 23:14
Վթար Աշտարակի խճուղում․ կա տուժած
Իսրայելցի զինվորականների հետ բախումների հետևանքով պաղեստինցի է մահացել, 58 վիրավոր կա
Քաղաքականություն
27.07.2019 | 13:50
Գազայի հատվածում իսրայելցի զինվորականների հետ բախումների ընթացքում ստացված վնասվածքներից պաղեստինցի է մահացել: Այս մասին գրում է ՏԱՍՍ-ը՝ վկայակոչելով Wafa գործակալությունը:
Ավելի վաղ հաղորդվել էր, որ Գազայի հատվածում առնվազն 58 պաղեստինցի է տուժել, երբ իսրայելցի զինվորականները կրակ են բացել սահմանային գոտուն մոտեցած պաղեստինցի ցուցարարների ուղղությամբ: Ցույցը ցրելու համար իսրայելցիները նաև արցունքաբեր գազով նռնակներ են կիրառել:
Նշվում է, որ մահացած պաղեստինցին 23-ամյա տղամարդ է: Բախումների ընթացքում նաև ավելի քան 20 երեխա է տուժել, նրանք հոսպիտալացվել են:
Պաղեստինցիները Գազայի հատվածում ամեն ուրբաթ բողոքի ակցիաներ են անցկացնում սահմանային պատի մոտ: «Վերադարձի երթերը» պատասխանն են պաղեստինյան շրջանի շրջափակման և 2018թ. մայիսի 14-ին Իսրայելում ԱՄՆ դեսպանատունը Թել Ավիվից Երուսաղեմ տեղափոխելուն:
