28.11.2024 | 17:52
ԵԽ-ն կոչ է անում չճանաչել Վրաստանի ընտրությունները և պատժամիջոցներ սահմանել Կոբախիձեի, Իվանիշվիլիի ու այլ պաշտոնյաների նկատմամբ
Անձեռնմխելիությունից զրկված Ղրղզստանի նախկին նախագահը Մոսկվա է մեկնել՝ «ընկերներին» հանդիպելու ու խոստացել է վերադառնալ
Քաղաքականություն
24.07.2019 | 15:09
Ղրղզստանի նախկին նախագահ Ալմազբեկ Ատամբաևն այսօր ղրղզական Կանտ քաղաքում գտնվող ռուսական ավիաբազայից Մոսկվա է մեկնել։ Այս մասին տեղեկանում ենք ՏԱՍՍ գործակալությունից։
Ատամբաևի աշխատակազմի ներկայացուցիչը հայտնել է, որ նախկին նախագահը Ռուսաստան մասնավոր ինքնաթիռով է մեկնել։
Ատամբաևն էլ նշել է, որ Մոսկվայում իր «ընկերներին» է հանդիպելու և վաղը՝ հուլիսի 25-ի երեկոյան Բիշքեկ է վերադառնալու։
Նշենք, որ հունիսի 27-ին Ղրղզստանի խորհրդարանն Ատամբաևին որպես նախին նախագահի զրկել է անձեռնմխելիությունից, ինչը մեծացրել է նրան քրեական պատասխանատվության ենթարկելու հավանականությունը։
Ղրղզստանի նախկին նախագահը կասկածվում է հինգ հանցագործության մեջ ներգրավված լինելու համար։ Դրանց թվում են ղրղզական Կոյ-Տաշ գյուղում տարածքների ապօրինի ձեռքբերումը, քրեական հեղինակություն Ազիզ Բատուկաևին ազատ արձակելը և կաշառակերությունը։
Ատամբաևին վկայի կարգավիճակով երեք անգամ Ներքին գործերի նախարարություն հարցաքննության են կանչել, սակայն նա բոլոր ծանուցումներն անտեսել է։
Նելլի Մելքոնյան
