27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Տաջիկստանի և Ղրղզստանի սահմանին նոր փոխհրաձգություն է տեղի ունեցել
Քաղաքականություն
23.07.2019 | 16:42
Տաջիկստանի և Ղրղզստանի սահմանին իրավիճակն ավելի է լարվել, նոր կրակոցներ են հնչել: Միջադեպի հետևանքով սահմանապահ է վիրավորվել: Այս մասին ՌԻԱ Նովոստիին հայտնել են Ղրղզստանի պետական սահմանապահ ծառայությունից:
«Բնակչության հետ հանդիպման ժամանակ, որին մասնակցել են սահմանապահ ծառայության ղեկավարն ու Բատկենի նահանգապետը, տաջիկական կողմից երկու կրակոց է հնչել Ղրղզստանի քաղաքացիների ուղղությամբ»,- ասել են գերատեսչությունում:
Ղրղզստանի և Տաջիկստանի քաղաքացիների միջև երկուշաբթի կոնֆլիկտ է տեղի ունեցել: Բիշքեկում հայտարարել են, որ պատճառը տաջիկական Վորուխ գյուղում դրոշի ձողի տեղադրումն է: Ղրղզական Աքսայ գյուղի բնակիչները դեմ են արտահայտվել, բանավեճ է սկսվել, ինչից հետո կողմերից մեկը զենք է կիրառել:
Դուշանբեում էլ հայտարարել են, որ կոնֆլիկտը սկսվել է տաջիկական Վորուխի տարածքում՝ «Աքսայ» գրությամբ սյան տեղադրման պատճառով: Բախման արդյունքում մեկ մարդ է զոհվել, ավելի քան 20 մարդ՝ վիրավորվել:
Նշենք, որ ղրղզա-տաջիկական պետական սահմանի այս հատվածում պարբերաբար կոնֆլիկտ է ծագում տեղի բնակիչների կամ երկու երկրների սահմանապահների միջև: Պատճառը չսահմանազատված տեղամասերն են, որտեղ հնարավոր չէ որոշել՝ որտեղ է անցնում երկու պետությունների սահմանագիծը:
