18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Թրամփը հայտարարել է, որ Աֆղանստանում պատերազմը մեկ շաբաթում կհաղթեր
Քաղաքականություն
23.07.2019 | 12:37
ԱՄՆ-ն կարող էր զինված միջամտությունից հետո մեկ շաբաթում լուծել Աֆղանստանում բոլոր խնդիրները, իսկ 10 օրվա ընթացքում այն ջնջել երկրի երեսից: Պակիստանի նախագահ Իմրան Խանի հետ հանդիպումից հետո այս մասին հայտարարել է ԱՄՆ նախագահ Դոնալդ Թրամփը, գրում է RG.ru-ն:
Նա, սակայն, հավելել է, որ չէր ցանկանա ընտրել այդ ճանապարհը, քանի որ չի ցանկանում միլիոնավոր մարդկանց սպանել:
Բանակցությունների ընթացքում Դոնալդ Թրամփը, միաժամանակ, հայտարարել է, որ Վաշինգտոնը պատրաստ է միջնորդ դառնալ Պակիստանի և Հնդկաստանի միջև՝ Քաշմիրի հարցը կարգավորելու համար: Նա հավելել է, որ նման ցանկություն է հայտնել Իմրան Խանը:
«Եթե ցանկանում եք, որպեսզի ես միջնորդ կամ դատավոր լինել, ես պատրաստ եմ դա անել»,- ասել է Թրամփը:
Իմրան Խանն իր հերթին հայտարարել է, որ եթե Դոնալդ Թրամփը միջնորդ դառնա, ավելի քան մեկ միլիարդ մարդ կաղոթի նրա համար:
Նշենք, որ 1947 թվականից՝ կրոնական հողի վրա Բրիտանական Հնդկաստանի անջատումից հետո, Քաշմիրը շարունակում է վիճելի տարածք մնալ:
